گەورەترین كۆچی بەكۆمەڵی مرۆڤ

هەواڵ / جیهان :: 02/02/2019‌ :: 237‌ جار بینراوە

دواڕۆژ
گەورەترین كۆچی بەكۆمەڵی ساڵانەی مرۆڤ لە چین دەستیپێكرد كە سەدان ملیۆن هاووڵاتی چینی دەگەڕێنەوە بۆ ناو خێزانەكانی خۆیان، بۆ ئەوەی ئاهەنگ بگێڕن بە بۆنەی سەری ساڵی تازەی چینەوە كە رێكەوتی 5ی شوباتە.


لێپرسراوانی چین پێشبینی دەكەن لە ماوەی پشووی ساڵی نوێدا كە 40 رۆژ دەخایەنێت، تێكڕا 2.99 ملیار گەشت ئەنجام بدرێت، بە ئوتومبێل و شەمەندەفەر و فڕۆكە.

خەمڵاندنی لیژنەی گەشەپێدانی نیشتمانی و چاكسازی دەڵێت: "گەشتكردن بە شەمەندەفەر بە رێژەی 8.3% زیادیكردووە و گەشتی ئاسمانیش بە رێژەی 12%".

لەهەمانكاتدا پێشبینی دەكرێت گەشتكردن بە ئۆتۆمبێل بە رێژەی 0.8% كەمببێتەوە. 

دەسەڵاتداران پێشبینی دەكەن هەر لەم هەفتەیەدا نزیكەی دوو ملیۆن گەشتی نێودەوڵەتی ئەنجامبدرێت كە بەراورد بە ساڵی پار 8.9% زیادیكردووە.

ئاهەنگەكانی ساڵی نوێی ئەمجارە هاوكاتە لەگەڵ جەنگە بازرگانییە بەردەوامەكەی چین لەگەڵ ویلایەتە یەكگرتووەكان و پسپۆڕان پێشبینی دەكەن هاووڵاتییە چینییەكان كەمتر شتومەك بكڕن لەچاو جاراندا.

پ: پەری



created by Avesta Group and powered by Microsoft Azure