سلێمانی: پێنچ یانەی شەوانە داخران

هەواڵ / کوردستان :: 01/02/2019‌ :: 529‌ جار بینراوە

تاگ :: سلێمانی

دواڕۆژ، پشتیوان جەمال
پۆلیسی سلێمانی رایدەگەیەنێت: شەوی رابردوو پێنچ یانەی شەوانە داخراون و دەستیشیان بەسەر چوار دەمانچە و چەند پارچە چەقۆیەکدا گرتووە.


نەقیب سەركەوت ئەحمەد، بەڕێوەبەری راگەیاندن و پەیوەندییەكانی پۆلیسی سلێمانی بەدواڕۆژی راگەیاند: كاتژمێر 2ی شەوی ڕابردوو هێزەكانی بنكەی پۆلیسی سەرچنار بە هاوكاری هێزەكانی بەشی پۆلیسی نەهێشتنی تاوان هەڵمەتێكی گەڕان و پشكنینیان لەسنوری گەڕەكی سەرچنار دەستپێكرد.

ناوبراو روونیكردەوە لەو هەڵمەتەدا كافتریا و یانە شەوانەكانی سنورەكە بەسەركرانەوە و پێنچ یانە داخران كە پابەند نەبوون بەڕێنماییەكانی گەشتوگوزاری سلێمانییەوە، دەستیش بەسەر چوار دەمانچە و چەند پارچە چەقۆ و بۆكس خەنجەرێكدا گرتووە كە لەئێستادا خاوەنی دەمانچەكان ڕاگیراون بەفەرمانی دادوەر و بەپێی ماددەی 21ی چەك.

نەقیب سەركەوت ئاماژەی بەوەشدا: هۆكاری داخستنی ئەو یانانە دەگەڕێتەوە بۆ پابەندنەبوونیان بەڕێنماییەكانی گەشتوگوزاری سلێمانییەوە كە تا كاتژمێر 2ی شەو یانەكان كراوە بوون و خاوەنەكانیان ڕووبەڕووی یاسا كراونەتەوە.

پ: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure