شیلادزێ: ژمارەیه‌ك تانك و زرێپۆشی سوپای توركیا سووتێنران

هەواڵ / کوردستان :: 26/01/2019‌ :: 2118‌ جار بینراوە

دواڕۆژ، رەڤەند گوهەرزی
لە درێژەی ناڕەزایی لە دژی بۆردوومانەكانی توركیا، خۆپیشاندەران چوونە ناو بارەگاكەی سوپای توركیاوە لە كۆمەڵگەی سیرێ-ى سه‌ر به‌ ناحیه‌ى شیلادزێ و ژمارەیەك ئۆتۆمبێل و تانكی سەربازیان سووتاندووە.


پەیامنێرمان رایگەیاند: سەربازە توركەكان بارەگاكەیان چۆڵكردووە و خۆپیشاندەران بەتەواویی دەستیانگرتووە بەسەر بارەگاكەدا.

بەگوێرەی زانیاری پەیامنێرمان سەربازەكان هەڵاتوون و خۆپیشانده‌ران بارەگاكەیان كۆنتڕۆڵكردووە و تائێستاش ناڕەزایی و گردبوونەوەی هاوڵاتیان بەردەوامیی هەیە و نزیکەی 6 بۆ 8 تانک و ئۆتۆمبێلی سوپای تورکیا سووتاون و حەوت هاوڵاتی لە خۆپیشاندەرانیش بەهۆی ئاگرەوە برینداربوون كه‌ برینى یه‌كێكیان سه‌خته‌.

یەكێك لە بریندارەكان ئەفسەرێكی پۆلیسە بەناوی رائید رەزوان زانیاری هەیە كە تائێستا بۆ دواڕۆژ دڵنیایی نەدراوە لێی كە دوو لەبریندارەكان گیانیان لەدەستدابێت بەهۆی تەقینەوەی ئەو فیشەك و تەقەمەنییانەی لەناو سەربازگەكەی سوپای توركیا هەبوون.

خۆپیشاندانه‌كه‌ پاش نیوه‌ڕۆى ئه‌مڕۆ شه‌ممه‌ 26ى كانونى دووه‌م ده‌ستیپێكرد.

هێزە ئەمنییەكان لە شوێنی رووداوەكەن و بەچڕیی بڵاوەیان پێكراوە و بۆ پاراستنی ئەمنییەتی ناوچەكە.

ئەو بارەگایەی سوپاى توركیا لەساڵی 1997ەوە لەو كۆمەڵگەیە جێگیركراوە و بەوتەی خەڵكی ناوچەكە فڕۆكە هەواڵگرییەكانی توركیا لەوێوە دەفڕن و ئامانجەكانی خۆیان دیاریدەكەن بۆ لێدانی ناوچەكانی هەرێم.

داڕشتنەوە: ئارام غەفور 



  • ڕۆژ
  • هەفتە
  • مانگ
created by Avesta Group and powered by Microsoft Azure