ده‌مێ هاتنوچوونا لسه‌ر پرا دناڤبه‌را باشور و رۆژئاڤا هات دیاركرن

هەواڵ / ئابوری :: 22/01/2019‌ :: 179‌ جار بینراوە

تاگ :: ئابوری

دواڕۆژ، دهۆك
به‌رپرسێ راگه‌هاندنا ده‌رگه‌هێ سێمالكا ل ئالیێ رۆژئاڤایێ كوردستانێ ده‌مێ هاتنوچوونا وه‌لاتیێن رۆژئاڤا و باشورێ كوردستانێ لسه‌ر پرا نوو یا سێمالكا راگه‌هاند.

باز ئه‌حمه‌د به‌رپرسێ راگه‌هاندنا ده‌رگه‌هێ سێمالكا بۆ دواڕۆژ گۆت:"چێكرنا پرا نوو یا دناڤبه‌را باشور و رۆژئاڤایێ كوردستانێ دا ب دوماهیك هات، بڕیاره سبه‌‌ رۆژا چوارشه‌مبى 23-ێ كانوونا دووێ، وه‌لاتى ب ترۆمبێلان هاتنوچوونێ لسه‌ر وێ پرێ بكه‌ن".

ناڤبۆرى خوه‌یاكر: "كار لسه‌ر پرا كه‌ڤن ژى دهێته‌ كرن و ره‌نگه‌ هه‌تا 20 رۆژێن دى ئه‌و ژى بهێته‌ نووژه‌نكرن".

باز ئه‌حمه‌د دازانین: "بۆ ده‌مێ نێزیكى 2 هه‌فتییانه‌ هاتنوچوونا وه‌لاتیان دناڤبه‌را باشور رۆژئاڤایێ كوردستانێ دا ل ده‌رگه‌هێ سێمالكا ب رێیا به‌له‌مان بوو، لێ ژ نوكه‌ و پێده‌ وه‌لاتى دشێن ب ره‌نگه‌كێ ئاساى لسه‌ر پرا نوو ده‌ربازبن".

ناڤبۆرى خوه‌یاكر: "ژبه‌ركو پر نوویه‌ ترۆمبێلێن مه‌زن  لسه‌ر وێ پرێ دره‌بازنابن و ترۆمبێلێن بارهه‌لگر دشێن د ده‌رگه‌هێن دى یێن سنوورى وه‌ك ده‌رگه‌هێ وه‌لید ده‌ربازى سوریا و رۆژئاڤایێ كوردستانێ بن".

پرا كه‌ڤنا سێمالكا ل ده‌ستپێكا ئه‌ڤ ساله‌ ژ به‌ر گه‌له‌ك بارانان راستى زراران و مه‌ترسییا كه‌ڤتنێ ب بوو و نوكه‌ دهێته‌ نووژه‌نكرن.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە