زاخۆ: 5 كه‌س ژ روودانه‌كا ئاگری هاتن رزگاركرن

هەواڵ / کوردستان :: 22/01/2019‌ :: 198‌ جار بینراوە
ژبلی زرارێن ماددی یێن مه‌زن چو زرارێن گیانی نه‌بووینه‌

دواڕۆژ، دهۆك
ده‌مێ ئاگربه‌ربوونێ ل ئاڤاهیه‌كێ باژارێ زاخۆ تیمێن به‌ره‌ڤانییا باژاری شییان چوار زاڕۆیان و دایكا وان قورتال بكه‌ن.


رائید بێوار عه‌بدولعه‌زیز، به‌رپرسێ راگه‌هاندنا به‌ره‌ڤانییا باژاری ل دهۆك بۆ دواڕۆژ گۆت:"ژبه‌ر ئه‌گه‌رێن كو هه‌تا نوكه‌ نه‌هاتینه‌ زانین، ئاگر به‌ربوو ئاڤاهیه‌كێ مه‌زن ل تاخێ بێدارێ یێ قه‌زا زاخۆ و ل ده‌مه‌كێ بله‌زدا تیمێن به‌ره‌ڤانییا باژاری ل زاخۆ شیان بگه‌هنه‌‌‌ جهێ روودانێ و 5 كه‌سان ژ ئێك خێزان رزگاربكه‌ن كو دایك و 4 زاڕۆ بوون".

ناڤبۆری خوه‌یاكر:"ده‌مێ ئاگربه‌ربوونێ شۆقه‌یا كورده‌كێ رۆژئاڤا ب ته‌مامی هاتییه‌ سۆتن كو وی ده‌می كه‌س د شۆقێ دا نه‌بوو".

دازانین:"نوكه‌ تیمێن به‌رڤانیا باژاری مژوولی دیاركرنا ئه‌گه‌رێن ئاگربه‌ربوونێ نه‌ كو هه‌تا نوكه‌ ناهێته‌ زانین ئه‌گه‌ر چ بووینه‌".

زه‌لالكر:"ژبلی زرارێن ماددی یێن مه‌زن چو زرارێن گیانی نه‌بووینه‌ و ئاگر ب ته‌مامی هاتییه‌ كۆنترۆلكرن".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە