نەوتی ئێران بۆ سێیەمجار لەبۆرسەدا كڕیاری نەبوو

هەواڵ / ئابوری :: 22/01/2019‌ :: 177‌ جار بینراوە

دواڕۆژ، ئازوو محەمەد
ئاژانسی ئیسنای ئێرانی ئەمڕۆ سێشەممە 22ی كانوونی دووەم بڵاویكردەوە: نەوتی خاوی ئێران لە سێیەمین بۆرسەی نەوت و وزەدا هیچ كڕیارێكی نەبوو.

 

بەگوێرەی راپۆرتی ئەو ئاژانسە: لە بۆرسەی نەوت و وزەدا كە دوێنێ دووشەممە 21ی كانوونی دووەم بەڕێوەچوو، ئێران بە یەك ملیۆن بەرمیل و بە بەهای 52 دۆلار و 42 سەنت بۆ یەك بەرمیل بەشداربوو، بەڵام سەرەڕای ئەوەی ماوەی دانی بڕە پارەی پێشوەختی كڕینی نەوت زیادكرا، نەوتی ئێران كڕیاری بۆ خۆی نەدۆزییەوە.

 

ئێران پێشتر دووجار نەوتە خاوەكەی لە بازاڕی بۆرسەی نەوت و وزە، نمایشكردبوو، لە هەردوو بۆرسەكەدا كڕیاری نەبوو.

 

ئامانجی ئێران لە نمایشی نەوتی خاوی خۆی لەبازاڕی بۆرسەدا، دەربازبوونە لە گەمارۆكانی ئەمریكا كە كراوەتە سەری.

پێداچوونەوە: ئارام غەفور



created by Avesta Group and powered by Microsoft Azure