بەهۆی ئاژەڵێكەوە لەفڕۆكەخانەی قاهیرە باری نائاسایی راگەیەنرا

هەواڵ / جیهان :: 20/01/2019‌ :: 177‌ جار بینراوە

تاگ :: جیهان

دواڕۆژ
فڕۆكەخانەی نێودەوڵەتی قاهیرە سەركەوتوو بوو لەگواستنەوەی شەش كەركەدەن كە كێشیان 6600 كیلۆ گرام بوو، لە شاری جۆهانسبێرگی باشووری ئەفریقاوە دەبران بۆ شاری بیجین لەچین.

 

كاری گواستنەوەی ئەو ئاژەڵانە فڕۆكەخانەكەی خستە باری نائاساییەوە تا بەشێوەیەكی باش كاری گواستنەوەكەیان بەئەنجام بگات.

كۆمپانیای فڕۆكەوانی میسر رایگەیاند: بەوردیی و بێ كێشە كاری گواستنەوەی ئەو ئاژەڵانە ئەنجامدراوە كە گەشتی ژمارە 840ی هەبووە و لەوێشەوە بە گەشتی ژمارە 95 گەیەنراوەتە بیجینی پایتەختی چین.

 

گەشتەكە لەئەفریقاوە بۆ چین زیاتر لە 24 كاتژمێری خایاندووە تا بەسەلامەتی ئەو ئاژەڵانە گەیشتوونەتە شوێنی خۆیان و هەموو ئامادەكارییەكان لەوڕووەوە لەقاهیرە بەسەركەوتوویی كۆتاییهاتووە.

 

ئا: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure