خۆپیشاندانی هێلەك زەردەكانی فڕەنسا بەردەوامیی هەیە

هەواڵ / جیهان :: 19/01/2019‌ :: 113‌ جار بینراوە

تاگ :: جیهان

دواڕۆژ
ئەمڕۆ شەممە 19ی كانوونی دووەمی 2019 خۆپیشاندانی (هێلەك زەردەكان)ی فڕەنسا پێینایە دەیەم هەفتەیەوە.

سەرەڕای ئەو ڕێوشوێنە توندەی گیراوەتەبەر، هاووڵاتیانی فڕەنسا ماوەی 10 هەفتەیە بەردەوامن لە خۆپیشاندان، لە سەرەتاوە خۆپیشاندەران بە مەبەستی دەربڕینی ناڕەزایی لەبەرامبەر بڕیاری زیادكردنی باج گردبوونەوەیان ئەنجامدا.

دواتر ئامانجی خۆپیشاندانەكە بووە داخوازی بۆ گۆڕانكاری لەو سیاسەتە ئابورییەی لەلایەن سەرۆكی ئێستای فڕەنسا ئیمانوێل ماكرۆنەوە پەیڕەو دەكرێت.

هاوكات ئەمڕۆ ماكرۆن لەگەڵ سەرۆك شارەوانییەكاندا كۆبوونەوەیەكی گەورەی ئەنجامداوە و ڕایگەیاندووە: هەوڵی دەستپێكردنی چاكسازییەكان دەدات، چونكە پێیوایە تەنها قسە و بەڵێن بەس نییە بۆ هێمنكردنەوەی توڕەیی (هێلەك زەردەكان).

و:پەیام زاهیر
پێداچوونەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure