هەڵەبجە؛ بۆیەکەمین جار نەشتەرگەرییەک بەبێ تەقەڵ ئەنجامدرا

هەواڵ / کوردستان :: 15/01/2019‌ :: 450‌ جار بینراوە

دواڕۆژ، عەلی حەمەسەعید
بۆیەکەمجار لەسنوری بەڕێوەبەرایەتی گشتی تەندروستی هەڵەبجە، نەشتەرگەری ئاوی سپی چاو بەبێ تەقەڵ بە ئامێرێکی پێشکەوتوو ئەنجامدرا.


د.ئازاد مستەفا، بەڕێوەبەری گشتی تەندروستی هەڵەبجە بەدواڕۆژی راگەیاند: لە چوارچێوەی بەرەوپێشچوونەکانی کەرتی تەندروستی لە پارێزگای هەڵەبجە، ئێوارەی دوێنێ دووشەممە لە هۆڵی نەشتەرگەری نەخۆشخانەی هەڵەبجە بۆیەکەمجار نەشتەرگەری ئاوی سپی چاو بەبێ تەقەڵ بە ئامێری فەیکۆ بۆ نەخۆشێک بەسەرکەوتویی ئەنجامدرا.

وتیشی: "نەشتەرگەرییەکە لەلایەن چەند پزیشکێکی پسپۆڕەوە ئەنجامدراوە و لەمەودوا دەتوانرێت درێژە بە ئەنجامدانی ئەو جۆرە نەشتەرگەرییانە بدەین لە سنورەکەماندا".

بەڕێوەبەری گشتی تەندروستی هەڵەبجە ئەوەشی وت: "دڵنییایی دەدەینە هاووڵاتیان بەردەوام دەبین لە پێشکەشکردنی خزمەتگوزارییە تەندروستییەکان بۆئەوەی لەمەودوا پێویست نەکات بە چونەدەرەوە بۆشارەکانی دیکە بۆئەنجامدانی ئەم جۆرە نەشتەرگەریانە".

پ: ن.ر



created by Avesta Group and powered by Microsoft Azure