گۆڤارێك نهێنییەكی تازەی ترەمپ ئاشكرادەكات

هەواڵ / جیهان :: 12/01/2019‌ :: 165‌ جار بینراوە

تاگ :: جیهان

دواڕۆژ
گۆڤاری نیوز ویك-ی ئەمریكی راپۆرتێكی بنكۆڵكاریی بڵاوكردەوە سەبارەت بە رابردووی دۆناڵد ترەمپ-ی سەرۆكی ئەمریكا.

گۆڤارەكە نووسیویەتی: "ترەمپ لە گەڕەكێكدا لە شاری نیویۆرك گەورە بووە كە شوێنی باندەكانی مافییایە و كاریگەریی ئەو باندانە لە هەڵسوكەوتیدا بە ئاشكرا رەنگیداوەتەوە. بۆ نموونە لە قوتابخانەدا هەمیشە چەقۆی پێبووە و كەسێكی شەڕانی بووە، كاتێكیش گەیشتووەتە تەمەنی 30 ساڵی دۆسێیەكی گەورەی لە نووسینگەی فیدراڵی ئەمریكا هەبووە وەك كەسێك كە باندەكان لەكاتی پێویستدا پەنای بۆ ببەن".

راپۆرتەكە دەڵێت: "بۆیە مایەی سەرسامی نییە كە ترەمپ لە تەمەنی 70 ساڵیشدا ئەو جۆرە هەڵسوكەوتانە بنوێنێت كە باندەكانی مافیا دەیكەن، وەك ئەوەی بە زەبری پارە كۆمەڵە ئافرەتێكی بێدەنگ كرد كە وتیان پەیوەندیی نەشیاویان لەگەڵیدا هەبووە".

راپۆرتەكەی نیوز ویك هەروەها نووسیویەتی"ترەمپ بە نەیارەكانیشی دەڵێت (مشك) كە ئەمە وشەیەكە زیاتر ئەندامانی باندەكانی مافیای نیویۆرك بەكاریدێنن بۆ وەسفكردنی ئەو كەسانەی هاوكاری دەزگای FBI دەكەن".

خاڵێكی تر كە راپۆرتەكە ئاماژەی بۆدەكات سەبارەت بە (رۆنی كۆهین)ە كە ترەمپ كردی بە پارێزەری خۆی و ئەم كابرایە لە حەفتاكانی سەدەی رابردوودا پارێزەری ئەندامە گەورەكانی مافیای نیویۆرك بووە.

 

پ: ک. س



created by Avesta Group and powered by Microsoft Azure