هاوڵاتییەکی ئێرانی لە هەرێم گیانی لەدەستدا

هەواڵ / کوردستان :: 12/01/2019‌ :: 224‌ جار بینراوە

دواڕۆژ، رێبین حەسەن
لەمەرزی نێودەوڵەتی باشماخ، دوو هاوڵاتی ئێرانى کە پیشەیان شۆفێریی بووە بەهۆكارێكی نادیار و دواى تێكچوونی باری تەندروستیان گەیانرانە نەخۆشخانەی گشتی شەهیدانی ناو قەزای پێنجوێن و دواتريش يەكێكيان گیانی لەدەستدا.


لوقمان لەتیف، لێپرسراوی راگەیاندنی نەخۆشخانەی گشتی شەهیدانی پێنجوێن، بەدواڕۆژی راگەیاند: ئەمڕۆ تیمەكانی بنكەی تەندروستی مەرزی باشماخ و پۆلیسی باشماخ و ئاسایشی باشماخ، دوو شۆفێریان هێنایە بەشی فریاكەوتنی نەخۆشخانەكەمان.

وتیشی: "دوای پشكنین و چارەسەر بۆیان یەكێك لەشۆفێرەكان باری تەندروستی تاڕادەیەك جێگیربوو، بەڵام بەداخەوە یەكێكی تر لەشۆفێرەكان گیانی لەدەستدا".

روونیشیكردەوە: هەردوو شۆفێرەكە خەڵكی شاری شیرازی ئێرانن و شۆفێری ئۆتۆمبیلی بارهەڵگربوون و ئەوەی گیانی لەدەستداوە ناوی (مصیب ابو القاسم عباسی)یە و خەڵكی شیرازە و تەمەنی ٤١ ساڵە.

هاوكات بەپێی ئەو زانیارییانەی كە بەشی پۆلیسی پێنجوێنەوە دراونەتە دواڕۆژ لەئێستادا پەڕاوی لێكۆڵینەوە بۆ ئەو رووداوە كراوەتەوە و هێشتا بەروونی دیارنییە هۆكاری گیانلەدەستدانەكەیان چییە و ماوەیەكی زۆريش لەناو ئوتومبێلەكەیان ماونەتەوە.

پ: ك. س



  • ڕۆژ
  • هەفتە
  • مانگ
created by Avesta Group and powered by Microsoft Azure