ته‌ڤ-ده‌م"ئه‌مریكا چو هێزێن خوه‌ ژ سوریا نه‌ڤه‌كێشاینه‌"

هەواڵ / کوردستان :: 7 رۆژ پێش ئێستا‌ :: 114‌ جار بینراوە

دواڕۆژ دهۆك
به‌رده‌ڤكێ ته‌ڤ-ده‌م، راگه‌هاند:"ویلایه‌تێن ئێكگرتیێن ئه‌مریكا چو له‌شكه‌رێن خوه‌ ژ سوریا نه‌ڤكێشاینه‌ بتنێ چه‌ند گۆهه‌ڕتنێن له‌شكه‌رى ل چه‌ند بنگه‌هان ئه‌نجامداینه‌".

شڤان خابوورى به‌رده‌ڤكێ فه‌رمیێ ته‌ڤ-ده‌م، بۆ دواڕۆژ گۆت:"هێزێن ئه‌مریكا ل سوریا و رۆژئاایێ كوردستانێ هه‌ر لڤینه‌كێ بكه‌ن، هێزێن سوریا دیموكرات ئاگه‌هداردكه‌ن، له‌ورا هه‌رده‌مێ ئه‌و هێز ژ سوریا ڤه‌كێشان دێ هه‌سه‌دێ ئاگه‌هداركه‌ن وى ده‌مى ئه‌م ژى وه‌ك ته‌ڤ-ده‌م دێ زانیارییان لدۆر ڤه‌كێشانا له‌شكه‌رێن ئه‌‌مریكا ده‌ینه‌ رایا گشتى".

خابوورى دازانین:"نووچه‌یێن ڤه‌كێشانا هزێن ئه‌مریكا ژ ئالیێ ژه‌نه‌رالێن ئه‌مریكا ژى هاتینه‌ ره‌تكرن، ل گۆره‌ى زانیاریێن مه‌ وان هێزان چه‌ند گۆهه‌ڕتنێن بچووك ل چه‌ند بنگه‌هان كرینه‌ و ل ده‌مێ دیتنا وان گۆهه‌ڕتنان چه‌ند ناڤه‌ندێن راگه‌هاندنێ وه‌ك نووچه‌یێن ڤه‌كێشانا هێزێن ئه‌مریكا به‌حسكربوو".

زه‌لالكر:"ئه‌نجۆمه‌نێ سوریا دیموكرات و هێزێن سوریا دیموكرات ب ته‌مامى بۆ قوناغا پشتى ڤه‌كێشانا هێزێن ئه‌مریكا ژ سوریا ئاماده‌نه‌ و نوكه‌ ئه‌نجۆمه‌نێ سوریا دیموكرات بۆ چاره‌سه‌ركرنا هه‌موو ئاریشه‌ییان به‌رێ خوه‌دایه‌ دیمه‌شق و دخوازیت دگه‌ل رژێمێ ب دانوستاندنان بۆ چاره‌سه‌كرنا ئاریشه‌یێن سوریایێ بگه‌هنه‌ رێككه‌ڤتنێ".

مه‌ها ده‌ربازبووى دونالد تره‌مپ سه‌رۆكێ ئه‌مریكا بڕیاردابوو هێزێن خوه‌ ژ سوریایێ ڤه‌كێشیت، لێ ژ به‌ر كارڤه‌دانێن نه‌رازیبوونێ دناڤ ئه‌مریكا و وه‌لاتێن هه‌ڤپه‌یمان دا ل دژى داعش، جاره‌كادى سه‌رۆكێ ئه‌مریكا راگه‌هاندبوو؛ هێزێن وان بله‌ز سوریێ بجهـ ناهێلن.




  • ڕۆژ
  • هەفتە
  • مانگ
created by Avesta Group and powered by Microsoft Azure