(ڕەهەند) كه‌متر له‌ 3 مانگ ته‌مه‌ن و نزیكه‌ى 20 كتێب

هەواڵ / که‌لتور :: 12/01/2019‌ :: 249‌ جار بینراوە

دواڕۆژ
"ناوەندی ڕۆشنبیریی ڕەهەند" کە پێکهاتووە لە بەشی چاپ و بڵاوکردنەوە و  کتێبخانەیەکی گەورەى فرۆشتنى كتێبى کوردی و عەرەبی و ئینگلیزی و فارسى-ى بواره‌كانى ئەدەب و فیکر و فه‌لسه‌فه‌، لە رۆژى 8/11/2018 لە شاری سلێمانی کراوه‌تەوە. هۆڵێکی تایبەت بە کۆڕ و سیمیناریشى هەیە کە چالاکیی جۆراوجۆری تێدا ئەنجام دەدرێت. 


ئارام سدیق به‌رپرسى ناوه‌نده‌كه‌، تایبه‌ت به‌ دواڕۆژى راگه‌یاند:"بۆ یەکەمجار بیرمان لەوەکردەوە کە کۆرسێک بۆ ئاشنابوون بە هونەرەکانی چیرۆکنووسین بکەینەوە. له‌ یەکەم چالاکیشماندا کۆرسی(ئاشنابوون بە بنەماکانی چیرۆک)مان راگەیاند، وانه‌كانى كۆرسه‌كه‌ لەلایەن 10 مامۆستای شارەزا و چیرۆکنووسی بە ئەزموونەوە دەوترێنەوە و پێشوازییەکی باشی لێکرا و بڕیارە وانەکان له‌ کتێبێکدا چاپ و بڵاوبکرێتەوە".

بێجگه‌ لەو کۆرسە، وه‌ك ئارام ده‌ڵێت:"کۆرسی چۆنێتی نووسینی توێژینەوەی زانستییش لەلایەن دكتۆر سەلام عەبدولکەریم-ەوە دەوترێتەوە کە تایبەتە بە خوێندکارانی زانکۆ و رێنمایی پێشوەختە دەدرێت بۆ ئەوەی لەکاتی نووسینی توێژینەوەدا بەرچاوڕوونییەکی سەرەتاییان هەبێت".

ئارام سدیق هه‌روه‌ها وتى:"ئێستا نزیکەی 20 کتێب لە بوارەکانی رۆمان و فیکر و فەلسەفە لە ناوەندی رەهەند ئامادەی چاپن و کۆتایی ئەم مانگەیش یەکەم وەجبەی کتێبە چاپکراوەکان چاپ و بڵاو دەکرێنەوە". 



  • ڕۆژ
  • هەفتە
  • مانگ
created by Avesta Group and powered by Microsoft Azure