ئیسرائیل هێرشی کردەسەر سوریا

هەواڵ / جیهان :: 12/01/2019‌ :: 198‌ جار بینراوە

دواڕۆژ
میدیای فەرمی سوریا ئاشکرایکرد، بەرگری ئاسمانی سوریا رووبەڕووی بۆردومانێکی ئیسرائیل بووەتەوە بۆ سەر دیمەشقی پایتەخت و ژمارەیەک موشەکیشی خستووەتەخوارەوە.


ئاژانسی سانا لە سەرچاوەیەکی سەربازییەوە بڵاویکردۆتەوە: "شەوی رابردوو فڕۆکە جەنگییەکانی ئیسرائیل چەند موشەکێکیان ئاڕاستەی دەوروبەری دیمەشق کردووە".

سەرچاوەکە دەشڵێت: "راستەوخۆ هێڵی بەرگری ئاسمانیمان رووبەڕووی ئەو هێرشەبووەوە و زۆربەیانی خستە خوارەوە، هێرشەکەش تائێستا تێکدانی یەکێک لە کۆگاکانی لێ کەوتووەتەوە لە فڕۆکەخانەی نێودەوڵەتی دیمەشق".

ئاژانسی سانا لە سەرچاوەیەکەوە لە وەزارەتی گواستنەوەوە ئاشکرایکردووە، جوڵەی فڕۆکەخانەی دیمەشق ئاساییە و هێرشەکە کاریگەری نەبووە".

هاوکات روانگەی سوری بۆ مافەکانی مرۆڤ ئاماژەی بەوەداوە، بۆردومانەکە کۆگایەکی موشەکی تایبەت بە میلیشیاکانی حیزبوڵای لوبنانی کردۆتە ئامانج.

ئا: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure