دهۆک: ل سالێن بۆری بتنێ ۳ سیدی یێن هونەری دەرکەفتینە

هەواڵ / که‌لتور :: 11/01/2019‌ :: 86‌ جار بینراوە

دواڕۆژ، بورهان یەحیا
سەرۆکا سەندیکا هونەرمەندێن کوردستانێ تایێ دهۆک راگەهاند: ژبەر رەوشا دارایی یا نالەبەر ل چەند سالێن بۆری ل ئاستێ پارێزگەهێ ب تنێ ۳ سیدی یێن بەرهەمێن هونەری دەرکەفتینە.


ئەڤین حسین،  سەرۆکا سەندیکا هونەرمەندێن کوردستانێ تایێ دهۆک بۆ دواڕۆژ رۆهنکر :"ل سنۆرێ پارێزگەێ ۷۷۸ ئەندامێن کارا یێن سەندیکا هونەرمەندان هەنە و هندەک فایل و داخوازن نوو بۆ وەرگرتنا ئەندامێن نوو هاتینە و هەژمارا ئەندامان ژی ل سالێن بۆری کێم و زێدە نەبووینە، چونکو هەتا کۆنگرە نەهێتە بەستن نەشێین بڕیارێ ل سەر دەرکرنا ئەندامێن پێگیریێ ب رێنومایان نەکەن بدەین".

گۆتژى :"بەشەکێ زۆر ژ ئەندامێن سەندیکایێ بۆ چەندین سالانە ئابوونەیێن خۆ نەداینە و ب گۆرەی رێنومایان ئەگەر بو ۵ سالان ل دووڤ ئێک ئەندامەک ئابوونەیێن خۆ نەدەت دێ هوشداری بۆ هێتەدان و ئەگەر دووبارە پێگیر نەبوو دێ ژ ئەندامەتیێ کەڤیت،  چەندین سالە پترییا ئەندامان ژبەر هەبوونا قەیرانا دارایی نەشێن ئابوونەیێن خۆ بدەن".

ئەڤین حسین ئاماژەکر "ل چەند سالێن بۆری رێژەیا چێکرنا بەرهەمێن هونەری بۆ نموونە کلیپ سترانان گەلەک کێم بوویە و بتنێ ۳ سیدی هاتینە بەرهەمئینان، هەژمارەکا کێم ژ کلیپ سترانا هاتینە چێکرن کو بەراورد دگەل هەژمارا هونەرمەندان گەلەک کێمە".

سەرۆکا سەندیکا هونەرمەندێن کوردستانێ تایێ دهۆک گۆت ژى "ژبەر بەلافکرنا درامایێن بیانی ل کەنالێن هەرێمێ، بەرهەمئینانا درامایێن کوردی ب تەمامی راوستیایە و گەلەک جاران گازندە ژ کەنالان هاتینەکرن".

ناڤبورى خویاكرژى :"بەشەک ژ هونەرمەندان ژبەر رەوشا خراب یا دارایی بەرەف دەرڤەی وەلاتی چۆینە و ل بەرە ل وێرێ ئاکنجی ببن و بەشەک ژی بەرهەڤی ئاهەنگان دبن و دووبارە ڤەدگەرن".

پێداچون: ئاهه‌نگ حسێن



  • ڕۆژ
  • هەفتە
  • مانگ
created by Avesta Group and powered by Microsoft Azure