دهۆک: پترییا کەمپێن ئاوارە و پەنابەران نەفت وەرگرتینە

هەواڵ / کوردستان :: 11/01/2019‌ :: 292‌ جار بینراوە

دواڕۆژ؛ بورهان یەحیا
 رێڤه‌به‌رێ‌ بوردێ‌ كاروبارێن مروڤایه‌تی و په‌نابه‌ر و ئاوارەیان ل دهۆك راگەهاند" ب رێکا رێکخراوێن جیهانی و حوکمەتا ئیراقێ پترییا ئاوارە و پەنابەران نەفت وەرگرتینە یان پێشڤە پارە وەرگرتینە.

ئێدریس نەبی رێڤەبەرێ بوردێ‌ كاروبارێن مروڤایه‌تی و په‌نابه‌ر و ئاوارەیان ل دهۆك بۆ دواڕۆژ رۆهنکر" بەلاڤكرنا نەفتێ ل سه‌ر ئاواره‌ و په‌نابه‌را ب دو ده‌رگه‌ها یه‌ ئێك رێكا رێكخراوێن UN   خێرخوازی یه‌ و یا دی ب رێكا حكومه‌تا به‌غدا یه‌ و رێكخراوا UNHCR بۆ هه‌ر په‌نابه‌ره‌كێ‌ كوردێن رۆژئاڤا چ ل ناڤ كه‌مپا یان ده‌رڤه‌ی كه‌مپا 400 دولار ته‌رخانكرینه‌  بۆ کرینا نەفتێ دیسان بو هه‌ر ئاواره‌كێ‌ ل كه‌مپا و ده‌رڤه‌ی كه‌مپا حكومه‌تا ئێراقێ‌ 8 كوبوون یێن بو به‌لاڤ كرینه‌".

دیارکر"  بو هه‌ر كوبوونه‌كێ‌ 100 لترێن نەفتێ تێدانه‌ یانكو هه‌ر خێزانه‌ك دێ‌ 800 لتران وه‌رگریت".

خویاکر" هنده‌ك رێكخراوێن خێرخوازی ل ده‌ڤه‌رێن ئامێدیێ‌ و زاخۆ  وه‌كو خاچا سۆر و كاریتاس و PWJ  هاریكاری بو ئاوارا كرینه‌ و ل ئامێدیێ‌ رێكخراوا خاچا سور بۆ 629 خێزانا ئاواره‌ و خوجهێن وان 500 هزار دینار هاتینه‌ ته‌رخانكرن  دیسان بو زاخۆ رێكخراوا كارتیاس بو هه‌ر كه‌سه‌كی ل خێزانێن ئاواره‌ 50 دولار مه‌زاخینه‌".

ئاماژەکر" زێده‌باری 3500 خێزانێن ده‌ڤه‌را سێجێ‌ و شاریا بو هه‌ر خێزانه‌كێ‌ 200 دۆلار بو پیَِدڤیێن زڤستانێ‌ هه‌روه‌سا رێكخراوا PWJ بو 482 خێزانا ل ئامێدیێ‌ و زاخۆ و دهۆک نەفت بو هه‌ر خێزانه‌كێ‌ به‌رمیله‌ك هاتیه‌ دابینكرن".

ئێدریس نەبی رۆهنکر" هه‌روه‌سا 13200 خێزانێن ئاوارێن مووسل بو هه‌ر خێزانه‌كێ‌ 200 دۆلار هاتینه‌ دابینكرن ئه‌وێن ل باژێرا دژین و زێده‌تر ژ 500 قوتابخانەیێن ئاوارەیان نەفت بۆ هاتیه‌ دابینكرن".



created by Avesta Group and powered by Microsoft Azure