زیاتر لە 9 هەزار تانكەری سوتەمەنی لە ئێرانەوە هاتونەتە مەرزی باشماخ

هەواڵ / ئابوری :: 11/01/2019‌ :: 238‌ جار بینراوە

دواڕۆژ، رێبین حەسەن
لەساڵی 2018-دا زیاتر لە نۆ هەزار تانكەر بەهەموو جۆرە جیاوازەكانی سوتەمەنیەوە لە ئێرانەوە هاتونەتە مەرزی باشماخ و لەو رێژەیەش، نۆ هەزار و 53 تانكەریان گونجاوبوون و 215 تانكەریان لە پشکنین دەرنەچوون و رەوانەی ئێران کراونەتەوە.


لە ئامارێكی بنكەی تاقیگەی پشكنینی سوتەمەنی مەرزی نێودەوڵەتی باشماخ-دا  هاتووە: "لەماوەی ساڵی رابردوودا، نۆ هەزار و 268 تانكەر كە جۆرە جیاوازەكانی سوتەمەنیان وەك (بەنزین، گاز، نەوت) پێبووە، لە ئێرانەوە هاتونەتە ناو مەرزی نێودەوڵەتی باشماخ و دوای وەرگرتنی نموونە بۆ پشكنین، 215 تانكەریان نەگونجاوبوون و نۆ هەزار و 53 تانکەریان گونجاو بوون و رێگەی چوونە ناو هەرێمیان پێدراوە.

هەر لەئامارەكەدا، ئەوەشخراوەتەڕوو: لەو رێژەیەی سەرەوە حەوت هەزار و 321 تانکەری بەنزین گونجاو بوون و 104-یان نەگونجاو بوون، هەروەها هەزار و 621 تانكەری گاز گونجاو بوون و 104-یان بەهەمان شێوە نەگونجاوبوون، 106 تانكەری نەوتیش گونجاوبوون و حەوتیان نەگونجاوبوون.

ئاماژە بەوەش دەکەن: پێنج تانكەری دیکەی جۆرە جیاوازەكانی سوتەمەنی بەهۆی نەبوونی مەرجەكانەوە راستەوخۆ كاری گەڕانەوەیان بۆ ئێران بۆ كراوە.

پ: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure