بەفربارینێ ٤٥ ھەزار گەشتیار ئینانە ئامێدیێ

هەواڵ / کوردستان :: 08/01/2019‌ :: 249‌ جار بینراوە

دواڕۆژ، رەڤەند گوھەرزی
دماوێ دەستپێکرنا بەفربارینا ئەڤ ساڵەدا ھەتا نوکە ٤٥ ھەزار گەشتیارێن نافخوی و بیانی سەردانا جھێن گەشتیاریێن سنورێ قەزا ئامێدیێ ل باکورێ رۆژھەڵاتا پارێزگەھا دھۆکێ کریە .


حەمید محەمەد سالح، بەرپرسێ ئوفیسا گەشت و گوزاری ل سیلاڤێ بو دواڕۆژ گۆت:" ل دەستپێکا بەفربارینا ئەڤ ساڵە ھەتا نوکە ٤٥ ھەزار گەشتیارێن نافخوی و بیانی سەردانا جھێن گەشتیاری یێن قەزا ئامێدیێ کریە ".

گۆتژی:" ئەو کومپانیێن گروپێن گەشتیاری ل بەغدا و باژێرێن دی یێن عێراقێ دئینە ھەرێما کوردستانێ و ب تایبەتی دەڤەرا ئامێدیێ، زێدەتر لە رۆژێن سێ شەمبی و ھەینی گەشتیاران دئینن".

حەمید دیارکر:" ئەم چاڤەرێ دکەین ئەگەر بودجە ھاتە بەسەندکرن و پارەیەک بوومە ھاتە خەرجکرن، ئەم دێ ساڵانە ڤیستەڤالەکێ ب تایبەت ل دەستپێکا وەرزێ گەشتیاری دناڤبەرا بەھارێ و ھاڤینێ دا ئەنجامدەین و ھەروەسا  سالانە بەردەوامیێ بدەینێ و ھەر جارەکێ ل ناحیەکێ ل سنورێ قەزا ئامێدیێ برێڤە ببەین".

بەرپرسێ ئوفیسا گەشت و گوزاری ل سیلاڤێ دازانژن کو بۆ گەشت و گوزاریا زڤستانێ ژی ڤیستەڤالا بەفرێ بھێتەکرن و دھەماندەمدا بزاڤ و چالاکی بھێنە کرن، ئەڤ کارە ھەمی یێت گرێدای بودجەینە ئەم چاڤەرێ دکەین پشتی پەسەنکرنێ کا دێ بوومە وەکو گەشت و گوزار چ ھێتە دیار دیارکرن.

راگەھاند ژی:" ئەگەر بودجەک بھێتە دیارکرن دابشێین ھندەک جھێن پێدڤی وەکی نویژەنکرنا ھندەک جھێن گەشتیاری، مە کەشفەک یا چێکری ب تایبەت بۆ سەیرانگەھا ڤین بۆ چێکرنا پرەکا پەیادە بۆ ھاتن و چوونا گەشتیاران".

پ: ک. س



created by Avesta Group and powered by Microsoft Azure