Huawei Mate 20 مۆبایلە نموونەییەكە

هەواڵ / زانست :: 29/12/2018‌ :: 449‌ جار بینراوە

تاگ :: زانست

دواڕۆژ
داهێنانە زانستیەكانی كۆمپانیای هواوی بۆ ئامێرە ئەلیكترۆنیەكان و بەتایبەت بۆ مۆبایل، بەهۆی بەكارهێنانی زیرەكیی دەستكردەوە لە بەرهەمەكانیدا، بووەتە جێی سەرنجی ناوەندە زانستیەكان و هەروەها میدیا جیهانییەكانیش. ئەوەتا پێگەی (AL-MUSTAQBAL) بەو ناونیشانەی سەرەوە راپۆرتێكی چڕ و پڕی لەسەر مۆبایلی جۆری (Huawei Mate 20 Pro) بڵاوكردووەتەوە كە ئەمەی خوارەوە پوختەكەیەتی: 


ئەم جۆرە مۆبایلەی هواوی هەر ئەوە نییە كە ئامرازێكی پەیوەندیی بێت یاخود بۆ وێنەگرتن و ئیمەیڵ و پەیوەندیی بەردەوام بە تۆڕە كۆمەڵایەتیەكان و پاراستنی زانیاری و داتاكان بەكاربهێنرێت بەڵكو وێڕای هەموو ئەوانەی سەرەوە، دەبێتە مەوسوعەیەك و چەندین خەسڵەتی سەرسوڕهێنی دیكەیشی هەیە.

Huawei Mate 20 Pro  پرۆسێسەری سەركەوتووی (كیرین 980) كە 6،9 ملیار ترانزستەر لە رووبەرێكی بچووكی هێندەی نینۆكی پەنجەیەكدا، لەخۆدەگرێت. هەروەها ئامێرێكی زۆر پێشكەوتووی تێدایە بۆ سیناریۆی جیاواز لە نموونەی یارییە سێ‌ رەهەندیەكان و كاری چڕ.

یەكێك لە كێشە دیارەكانی مۆبایلەكان، زوو دابەزینی وزەی پاترییەكانیانە، بەڵام هواوی ئەم كێشەیەیشی لەم جۆرە مۆبایلەدا چارەسەر كردووە، پاترییەكی داهێناوە كە هێزەكەی دەگاتە 4200 میلی ئەمپێر لە كاتژمێرێكدا. ئەم پاترییە بەخێرایی 40 وات و بەڕێژەی 70% لە ماوەی 30 خولەكدا بارگاوی دەبێت. جگە لەمەیش دەتوانرێت لەڕێی (بێتەل/لاسلكی)یەوە هێزی 15 وات بەڕێژەی 30% و لە ماوەی 30 خولەكدا لە هواوی-یەوە وەربگیرێت بۆ بارگاویكردنی مۆبایلی دیكە. ئەمەیش بۆ یەكەمجارە لە جیهاندا كە دەتوانرێت لەڕێی Huawei Mate 20 Pro وە كۆمەڵێك ئامێری ئەلیكترۆنی، كە تەكنیكی بارگاویكردنی بێتەل-یان هەیە، بارگاوی بكرێن. 

كامێرایش كە ئەمڕۆ بووەتە خواستێكی سەرەكیی بەكارهێنەرانی مۆبایل، لەHuawei Mate 20 Proدا داهێنانی زیاتری تێداكراوە، چونكە كامێرای زۆر تایبەتی هەیە، هاوێنەیMonochrome  ی تێدا گۆڕدراوە بۆUltra-Wide كە زۆر فراوانترە و سێ‌ رەهەندیە بۆ هەموو سیناریۆكان.
كامێراكانی ئەم جۆرە مۆبایلەی هواوی، هەستیاریی وێنەكانی(RGB) بە كوالیتیی40 میگاپێكسڵ و یەكێكی تریان بە كوالیتیی20 میگاپێكسڵ لەگەڵ هاوێنەی (لایكا) كە گۆشەی وێنەگرتنی زۆر ورد و لەهەمانكاتدا فراوانە، هەیە. هەروەهای كامێرای وێنەی دوور بە كوالیتیی 8 میگاپێكسڵ، ئەمە سەرەڕای كامێرای پێشەوەی سێ‌ رەهەندی بە كوالیتیی 24 میگاپێكسڵ.   


ئەوەی كە وێنە و ڤیدیۆكانی ئەم مۆبایلە جیادەكاتەوە، شێوەی وێنە كەسییە رەنگاوڕەنگەكانە كە بە تەكنیكی زیرەكیی دەستكرد تۆمار دەكرێن و دەتوانێت رەنگەكان بەشێوەیەكی گونجاو و جێی سەرنجی بینەر بەكاربهێنێت. هەروەها توانایەكی دەگمەنیشی هەیە لە تەركیز  خستنەسەر شتە دیاریكراوەكان بەهۆی رەنگاوڕەنگكردنیان لەناو وێنەكەدا و لەهەمانكاتدا باكگراوندەكەی بە رەش و سپی بهێڵێتەوە.

هەروەها HiVision یشی تێدایە كە هەر بە ئاراستەكردنی كامێراكە لەسەر هەر بەرهەمێك زانیاری و روونكردنەوەی پێویستت دەربارەی بەرهەمەكە دەداتێ‌ و توخمەكانی وێنەكەت بۆ رووندەكاتەوە، ئەمەیش خەسڵەتێكی ناوازەیە بۆ پارچە ئاسەوارەكان و تابلۆ بەناوبانگەكان.  
 كامێرای ئەم مۆبایلە هەروەها دەتوانێت بڕی كالۆریەكانی ناو خواردنیش پێوێت و پێت بڵێت.
 

مۆبایلیHUAWEI Mate 20 Pro  تایبەتمەندیی ئەوەیشی هەیە كە بە ناسینەوەی سێ‌ رەهەندی  روو/دەموچاو و بەخێرایی و بە پارێزراوی، قوفڵی دەكرێتەوە و بە ناردنی هەزار خاڵ بە تیشكی ژێر سوور دەیناسێتەوە، بەمەیش روو/دەموچاو، بەوپەڕی وردیی دەخوێنێتەوە و زانیاریی تەواو دەربارەی شێوە و سیما و رووخسار لە ماوەی 0،6 چركەدا دەدات بەدەستەوە. 

لەگەڵ هەموو ئەوانەیشدا كۆمپانیای هواوی، ئەم مۆبایلەی والێكردووە كە بە دانانی پەنجەمۆریش لەسەر شاشەكەی دەكرێتەوە، بەمەیش زانیاریەكان پارێزراوتر دەبن. 

ئامادەكردن: لوقمان محەمەد رەشید



  • ڕۆژ
  • هەفتە
  • مانگ
created by Avesta Group and powered by Microsoft Azure