وێنە: رێکا دوو گوندان ھاتیە گرتن و پرا حسێنیە دمەترسێیدایە

هەواڵ / کوردستان :: 08/12/2018‌ :: 375‌ جار بینراوە

دواڕۆژ، رەڤەند گوھەرزی
ژبەر بارینا بارانەکا زۆر و دروستبوونا لافاوان ل سنورێ ناحیا رۆڤیا سەر ب قەزا بەردەڕەش ل پارێزگەھا دھۆکێ، رێکای سەرەکی یا دوو گوندا ھاتیە گرتن و پرا حسێنیە دمەترسێیدایە.


حازم محەمەد، بەرپرسێ پشکا ھاتن و چوونا بەردەڕەش بۆ دواڕۆژ راگەھاند: پیشتی ھاتنا وێ شەپۆلا بارانبارینێ کاریگەریێن وێ ل سنورێ قەزا بەردەڕەش زێدەتر بوون و رێژەیەکا زۆر یا بارانێ باریە و زرارێن مادی ل پەی خوە چێکرنە.

گوت ژی: ئەڤرۆ پیشتی نیڤرۆ ژبەر بارینا بارانەکا زۆر لافاو دروستبوون رێکا ھاتن و چوونێ ل ناحیا رۆڤیا بۆ پرا حسێنیە ھاتیە گرتن ل نزیک گوندێ گربەویل کو نھا رێک ل گوندێ نافھاتی ھاتیە گرتن.

دازانین ژی: "پرا حسێنیە ل ناڤەندا ناحیا رۆڤا دمەترسیێدایە بکەڤیت، لێ ئەم نزانین رێک دێ ھێتە گرتن یان نە رێڤەبەریا رێک و پرا چ بەرسڤ نەداینە مە".

حازم خویاکر کو نھا رێکا سەرەکی ل ناحیا رۆڤیا سەر بە قەزا بەردەڕەش بۆ پرا چەمە کو گوندێ خاروک دکەڤیتە سەر وێ رێکێ ژبەر بارینا بارانەکا زۆر و بلندبوونا ئاڤێ رێک ب تەمامی ل وی گوندی ھاتیە گرتن.

ژبەر وێ شەپۆلا بھێز یا بارانبارینێ دماوێ ٢٤ دەمژمێرێن بووریدا ل سنورێ قەزا بەردەڕەش سەر ب پارێزگەھا دھۆکێ، پرۆژەیەکی بخودانکرنا پەلەوەران بن ئاڤ بوویە و ١٠ ھەزار مریشک ژنافچووینە.



created by Avesta Group and powered by Microsoft Azure