ده‌رگه‌هێ سه‌رزێری رێڤنگان ئاگه‌هدار دكه‌ت

هەواڵ / کوردستان :: 08/12/2018‌ :: 294‌ جار بینراوە

دواڕۆژ، دهۆك
ژبه‌ر بارینا به‌فروبارانان لسه‌ر سنوورێن پارێزگه‌ها دهۆك دگه‌ل وه‌لاتێ تركیا، رێڤه‌به‌رێ ده‌رگه‌هێ سه‌رزێری ل ناحییا كانی ماسێ رێڤنگێن ل وی ده‌رگه‌هی هاتنوچوونێ دكه‌ن ئاگه‌هداردكه‌ت.

عرفان ئه‌لكیشكی، رێڤه‌به‌رێ ده‌رگه‌هێ سه‌رزێری بۆ دواڕۆژ گۆت: "به‌فربارین ل ده‌رگه‌هێ سه‌رزێری به‌رده‌وامه‌ و تانوكه‌ 5 سه‌نتیمێن به‌فرێ كه‌ڤیتنه‌، لێ تیمێن رامالینا به‌فرێ جادده‌یان رادمالن و ناهێلن رێ بهێته‌ گرتن".

ناڤبۆری خوه‌یاكر: هه‌موو رێڤنگێن باكورو باشورێ كوردستانێ دشێن رۆژێن بهێت ل ده‌رگه‌هێ سه‌رزێری هاتنوچوونێ بكه‌ن، چنكو تیمێن رامالینا به‌فرێ به‌رده‌وام دكاری دانه‌ و ناهێلن ئه‌و رێ بهێته‌ گرتن.

ئه‌لكیشكی دازانین: وه‌لاتیان ئاگه‌هداردكه‌ن كو هاتنوچوونا رێڤنگان رۆژێن بهێت ل ده‌ژمێر 9:00 سپێدێ تا 5-ێ ئێڤاری دێ به‌رده‌وامبیت.

ده‌رگه‌هێ سه‌رزێری دووه‌م ده‌رگه‌هێ ، سنووریێ ناڤبه‌را هه‌رێما كوردستانێ و تركیا كو دكه‌ڤیته‌ سنوورێ پارێزگه‌ها دهۆك و رۆژانه‌ نێزیكی 600 كه‌سان هاتنوچوونێ ل وی ده‌رگه‌هی دكه‌ن.

پێداچوونەوە: ئیحسانی مەلا فوئاد



created by Avesta Group and powered by Microsoft Azure

بەپەلە