بارانبارین پرۆژەی ئاوی هەڵەبجەی ڕاگرت

هەواڵ / کوردستان :: 07/12/2018‌ :: 252‌ جار بینراوە

دواڕۆژ، عەلی حەمەسەعید
لە ئەنجامی بارانبارینی بەردەوام و  بەهۆی بەرزبوونەوەی ڕادەی قوڕ و لیتەی ئاوی ڕووباری سیروان و لێڵبوونی، دابەشکردنی ئاوی خواردنەوە لە پرۆژەی ئاوی هەڵەبجە بۆ کاتێكی نادیار  ڕاگیرا.


 لە راگەیەنراوێکی پرۆژەی دابینکردنی ئاوی خواردنەوە بۆ شاری هەڵەبجە و سەیدسادق کە وێنەیەکى بۆ دواڕۆژ نێردراوە و ئێواره‌ى ئه‌مڕۆ هه‌ینى 7ى كانونى یه‌كه‌م، بڵاوکراوه‌ته‌وه‌ هاتووه‌ "بەهۆی لێڵی و بەرزبوونەوەی ڕادەی قوڕو لیتەی ئاوی ڕووباری سیروان کە بە (Turbidity)  ئەناسێنرێت ئەمشەو بەرواری 7/12/2018 کاتژمێر 11:30PM  بۆ پاراستنی پڕۆژەکە بەناچاری کارکردن بە ئامێرەکانی پرۆژەکەمان ڕادەگرین".

له‌ راگه‌یه‌نراوه‌كه‌دا ئاماژە بەوەشکراوە "بەم هۆیەوە دابەشکردنی ئاوی خواردنەوە بۆماوەیەکی دیارینەکراو ڕادەگیرێت، هاوکات ئەم ڕەوشە بە هەمانشێوە کێشەی بۆ پڕۆژەی شارەکانیتریش دروستکردوە، لەئێستادا بەردەوام تێستی نمونەی وەرگیراو ئەنجامئەدەین بەمەبەستی دڵنیابوون لەڕەوشی کیمیای و بایۆلۆجی ئاوی سیروان".

هەرلە راگەیەنراوەکەی پرۆژەی دابینکردنی ئاوی هەڵەبجە ئەوەشخراوەتەڕوو "دوای ئاسایی بوونەوەی ئەم ڕەوشانە دەستبەجێ کار بەپرۆژە ئەکەینەوە، ئاوی پێویست ئەگەیەنرێتەوە بە هەردوو حەوزی NDR1 و NDR2".
پ: ئاهه‌نگ حسێن



created by Avesta Group and powered by Microsoft Azure