گه‌شتوگۆزارا زاخۆ: هاتنا گه‌شتییاران دێ گه‌هیته‌ نزمترین ئاست

هەواڵ / ئابوری :: 07/12/2018‌ :: 200‌ جار بینراوە

دواڕۆژ، دهۆك
گه‌شتوگۆزارا ‌زاخۆ راگه‌هاند:"هاتنا گه‌شتییارێن بیانى ل وه‌رزێ زڤستانا ئه‌ڤ ساله‌ بۆ قه‌زا زاخۆ دێ گه‌هیته‌ نزمترین ئاست، چنكو ژبلى كافیه‌ و خارنگه‌هان جهێن دى یێن گه‌شتیارى دێ هێنه‌ گرتن".

 
بێوار سندى، به‌رپرسێ راگه‌هاندنا گه‌شتوگۆزارا زاخۆ بۆ دواڕۆژ گۆت:"پتریا جهێن گه‌شتوگۆزارى یێن زاخۆ دكه‌ڤنه‌ هاڤینه‌گه‌هان و ل وه‌رزێ زڤستانێ ژبه‌ر سه‌رمایێ دهێنه‌ گرتن، له‌ورا سه‌ره‌دانا گه‌شتییاران بۆ قه‌زا زاخۆ ل وه‌رزێ زڤستانێ دێ گه‌هیته‌ نزمترین ئاست".

ناڤبۆرى خوه‌یاكر:"ل ده‌م سالا به‌فربارینێ، چه‌ندین جهێن گه‌شتیارى ل سنوورێ قه‌زا زاخۆ هه‌نه‌، ب تایبه‌تى ل ده‌ڤه‌رێن گوللییان، لێ بتنێ گه‌شتییارێن ناڤخوه‌ سه‌ره‌دانا وان جهان دكه‌ن".

سندى زه‌لالكر:"ژبه‌ر كێمبوونا گه‌شتییاران ل وه‌رزێ زڤستانا ئه‌ڤ ساله‌ وان چو پلانێن نوو بۆ جهێن گه‌شتییارى نابن".

ژبلى كارێ بازرگانى، جهێن گه‌شتوگۆزارى ژێده‌رێن سه‌ره‌كى یێن داهاتێ وه‌لاتیێن زاخۆنه‌ كو سالانه‌ نێزیكى 300 هزار گه‌شتییاران سه‌ره‌دانا وێ قه‌زایێ دكه‌ن.



created by Avesta Group and powered by Microsoft Azure