سەرجەم نۆڕینگەکانی سلێمانی دادەخرێن

هەواڵ / کوردستان :: 03/12/2018‌ :: 16061‌ جار بینراوە

دواڕۆژ

لقی سلێمانی ئەنجومەنی باڵای پزیشکان لە راگەیەنراوێکدا ئاماژە بەوە دەکات بەهۆی هێرشکردنە سەر دکتۆر کەمال ئەحمەد سەعیدەوە سەرجەم نۆڕینگەکانی سنوری شاری سلێمانی بۆ ماوەی 24 کاتژمێر دادەخەن.

دەقی بەیاننامەکەی لقی سلێمانی ئەنجومەنی باڵای پزیشکان:

هاوڵاتیانی بەڕێزو خۆشەویست ....

وەک سەندیکای پزیشکانی کوردستان نیگەرانی تەواوی خۆمان و سەرجەم پزیشکان و کارمەندانی تەندروستی سەرتاسەری کوردستان دەردەبڕین، بەرامبەر بەو کارە قێزەونە نامرۆڤانەیەی بەرامبەر هاوپیشەمان دکتۆری پرۆفیسۆر (کمال احمد سعید) ئەنجامداروە. لەکاتی خزمەت کردنی نەخۆش و ئەنجامدانی کاری پزیشکی لە نورینگە تایبەتەکەی خۆی لە لایەن کەسێکی نادیارەوە کە وەک نەخۆش خوی ناساندوە، دواجار بە چەک هێرشی کردۆتە سەری و  بە سەختی برینداری کردوە . 
بۆ زانین لەم وماوەیەدا چەند جارێک کاری نەشیاو بەرامبەر چەند پزیشکێکی تر کراوە.....ترسی ئێمەی پزیشکان بوونی ئەم جۆرە توندووتیژەییە بەدیاردە کەلەئەنجامدا پیشەی پزیشکی وهاوڵاتیان زەرەرمەندی گەورە دەبن. 


ئەم جۆرە ڕەفتارانە هێرشکردنە سەرمافی گشتی وئازادی تاک و ئاسایشی هاوڵاتی دەخاتە مەترسیەوە. ئێمەی سەرجەم پزیشکانی سڵیمانی بەتوندی ڕیسوای ئەم کارە قیزەوەندە دەکەین وە داوا لە دامودەزگا پەیوەندیدارەکانی کوردستان دەکەین بەدۆزینەوەی  تاوانباران بەزووترین کات وڕوبەڕوکردنەوەیان بەدادگاو بەپێی یاسا سزا بەسەر ئەو کەسانەدا پسەپێنن کەنەک بەو کارە هەڵساون بەڵکو ئەوانەی دەستیان لەو کارە ناشرینەدا هەیە .
هەر لەبەر ئەم هۆکارە بڕیارماندا وەک پزیشکانی سلێمانی بەداخستنی سەرجەم نۆرینگە تایبەتەکانی شاری سلێمانی بۆ ماوەی 24 کاتژێر.

 

ئا: رێباز



created by Avesta Group and powered by Microsoft Azure