ل دھۆکێ پێنچ کەس نەخۆش بووینە ب ئایدزێ

هەواڵ / کوردستان :: 01/12/2018‌ :: 227‌ جار بینراوە

دواڕۆژ، رەڤەند گوھەرزی
ب ھەلکەفتا رۆژا جیھانیا نەخۆشیا ئایدزێ رێڤەبەریا ساخلیەمیا پارێزگەھا دھۆکێ بەرنامەیەکێ تایبت ل سەر ھیشارکرن و رەوشەنبیرکرنا قوتابیان ل دور ڤێ نەخۆشیێ دێ دەستپێکەت، دئەڤ سالەدا ١٧١ ھەزار و ٤٤١ کەسان پشکنین ئەنجامداینە و ژوانا پێنچ ‏کەس د نەخۆش بووینە ب ئایدزێ".


حەمزە رەزیکی، بەرپرسێ راگەھاندنا رێڤەبەریا ساخلەمیا پارێزگەھا ‏دھۆکێ بۆ دواڕۆژ راگەھاند: "ب ھەلکەفتا رۆژا جیھانیا نەخۆشیا ئایدزێ، تیمێن سەر ب رێڤەبەریا کاروبارێن ‏خوەپاراستنا ساخلەمیا پارێزگەھا دھۆکێ ب ھەڤکاری دگەل راگەھاندنا ساخلەمیێ دێ رابن ب ھەوەکا بەرفرە یا ‏رەوشەنبیرکرنا قوتابیان د ناڤ زانکۆیا دھۆک و پولیتەکنیکی دا ".‏

دیارکر ژی: ئەڤ تیمە دێ سەرەدانا ھەمۆ کولیژان کەن و دێ زانیاریان ل سەر رێیێن ڤەگوھاستنێ و ‏خوەپاراستنێ و نیشانێن نەخۆشیا ئایدزێ بۆ قوتابیان  دێ دەنە دیارکرن .

حەمزە خویاکر، ھەرکەسێ پشکنینا نەخۆشیا ئایدزێ بکەت ب شێوەیەکێ گەلەک نھێنی پشکنین بۆ دھێتە کرن ‏و ئەنجام ب شێوەیەکێ نھێنی دێ بۆ ھێنە دیارکرن ھەر وەکو کەسێ ئەو نەدیتی.‏

بەرپرسێ راگەھاندنا رێڤەبەریا ساخلەمیا پارێزگەھا ‏دھۆکێ گۆت ژی: دئەڤ سالەدا ھەتا نوکە ١٧١ ھەزار و ٤٤١ کەسان پشکنین ئەنجامداینە و ژوانا پێنچ ‏کەس د نەخۆش بووینە ب ئایدزێ کو سێ کەس بیانی نە و دوو کەسێن دی خەلکێ مەنەبەلێ ل ژدەرڤەیی وەلاتی ‏ھاتینە، دو کەسان ژی ل دەسپێکێ بوویە و چارەسەری وەرگرتیە و نوکە ئەو نەخۆشی ل دەف نەمایە.

پێداچوونه‌وه‌: سیروان محه‌مه‌د



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە