دهۆك: داخوازا نه‌دانا پاره‌یێ موه‌لیده‌ى دهێته‌كرن

هەواڵ / ئابوری :: 01/12/2018‌ :: 2038‌ جار بینراوە

دواۆژ، بورهان یه‌حیا
چه‌ندین چالاكڤانێن سڤیل ل سنۆرێ پارێزگه‌ها دهۆك دژى بهایێ ئه‌مپێرا موه‌لیده‌ى داخوازا نه‌دانا پاره‌ى بۆ خودانێن موه‌لیده‌یان دكه‌ن.


سباح ئه‌ترووشى چالاكڤانێ سڤیل ل دهۆك بۆ دواڕۆژ رۆهنكر" وه‌كو گڤاشتنه‌ك بۆ سه‌ر حوكمه‌تێ بۆ هندێ پتر كار بۆ دابینكرنا كاره‌با گشتى بكه‌ت، ل تۆرێن جڤاكى داخواز ژ هه‌موو وه‌لاتییان هاتییه‌كرن بۆ ڤێ مه‌هێ كه‌س پاره‌یێ موه‌لیده‌ى نه‌ده‌ت چونكو بها 12500 دینارن وگه‌له‌ك گرانه‌ و ل ڤێ مه‌هێ موه‌لیده‌یان چه‌ندین ده‌مژمێران بێهنڤه‌دان ژى هه‌بوویه‌ و پشته‌ڤانییه‌كا باش بۆ ڤێ پێشنیارێ هاتییه‌كرن".

دیاركر" ڤێت حوكمه‌ت بزاڤێ بكه‌ت ب رێكا گاز، هه‌وا و ئاڤ و رۆژێ كاره‌بێ دابین بكه‌ت و ڤێ كێشه‌یا دۆمدرێژ چاره‌سه‌ر بكه‌ت، هندى موه‌لیده‌ هه‌بن و خه‌لك پاره‌یێ ئه‌مپێرێ بده‌ت حوكمه‌ت ژى دێ مورتاح بیت و پاره‌یێن مه‌زن بۆ دابینكرنا كاره‌با گشتى نامه‌زێخیت، له‌وا دڤێت ئه‌ڤ پاره‌ نه‌هێته‌دان".

هێرش ره‌شید چالاكڤانێ جڤاكى ل دهۆك بۆ دواڕۆژ رۆهنكر" ئه‌ڤ بهایێ بۆ ئه‌مپێرێ موه‌لیده‌ى هاتییه‌ دانان گه‌له‌كه‌ و دڤێت ببیته‌ 8 هزار دینار و داخواز ژ هه‌موو وه‌لاتییان هاتییه‌كرن ئه‌گه‌ر نه‌كه‌نه‌ 8 هزار دینار بلا كه‌س وى پاره‌ى نه‌ده‌ت، ئانكو دڤێت بهایێ ئه‌مپێرێ ل دووڤ داهاتێ خه‌لكى بییت".



created by Avesta Group and powered by Microsoft Azure