لەرۆژی جیهانی ئایدزدا رێنمایی ده‌درێته‌ هاووڵاتیاندا

هەواڵ / کوردستان :: 01/12/2018‌ :: 378‌ جار بینراوە

دواڕۆژ، پشتیوان جەمال
گروپێكی خۆبەخش لە شاری سلێمانی رێنمایی بەسەر هاووڵاتیاندا دابەشدەکەن، بۆ خۆپاراستنیان لە نەخۆشی ئایدز.

پێشنیوەڕۆی ئەمڕۆ 1-12-2018 لە رۆژی جیهانی نەخۆشی ئایدز، گروپێكی خۆبەخش لە شاری سلێمانی رێنماییان بەسەر هاووڵاتیان دابەشكرد، نەسرەدین عومەر، راهێنەر لەپاراستنی لاوان لە نەخۆشییە گواستراوەكان بە دواڕۆژی راگەیاند: ئەمڕۆ كە رۆژی جیهانی ئایدزه‌ كە نەخۆشییەكی ترسناك و سامناكە و دەیانەوێت بەدابەشكردنی رێنمایی، هاووڵاتیان لەو نەخۆشییە مەترسیدارە هۆشیار بكەنەوە.

وتیشی: "هەرچەندە لە كوردستان ساڵی رابردوو 30 كەس و ئەمساڵیش 32 كەس تووشی نەخۆشی ئایدز بوون، بەڵام هێشتا بەراورد بە وڵاتانی دراوسێ زۆر پارێزراوترن، ئێمەش دەمانەوێت بەهۆی هۆشیاركردنەوەی خەڵكەوە ئەو نەخۆشییە زیاتر بنەبڕ بكرێت".

پێداچوونه‌وه‌: ئیحسانی مه‌لا فوئاد



created by Avesta Group and powered by Microsoft Azure