دانیشتنى دادگاى هه‌ڵه‌بجه‌ له‌باره‌ى دۆسیه‌ى فرۆشتنى چه‌كى كیمیایی به‌ رژێمى به‌عس دواخرا

هەواڵ / کوردستان :: 27/11/2018‌ :: 269‌ جار بینراوە

دواڕۆژ، عه‌لی حه‌مه‌ سه‌عید 

ئەمڕۆ سێشممە 27ی تشرینی دووەم داداگاییکردنی کۆمپانیاکانی فرۆشتنی چەکی کیمیایی لە هەڵەبجە بەڕێوەچوو، بەڵام بەهۆی ئامادە نەبوونی سکاڵا لێكراوان دادوەر بڕیاریدا بەدواخستنی دادگاییە بۆ سەرەتای ساڵی نوێ.

 لەدادگاییکردنەکەدا کەسوکاری شەهیدان و پارێزەرانی کەیسی تۆمارکردنی سکاڵا ئامادەبوون، بەڵام هیچ کام لە سکاڵا لێکراوان ئامادە نەبوون.

دادوەری دادگاکە لە دانیشتنەکەدا بڕیاریدا کە پڕۆسەی دادگاییکردنەکە بۆ 8/1/2018 دوابخات، ئەوەش بەهۆی ئامادەنەبوونی نوێنەری سکاڵا لێکراوان و لێکۆڵینەوە لەو بانگهێشتانەی لەلایەن نوێنەرانی حکومەتی هەرێم لەوڵاتانی ئەوروپا ئاڕاستەی ئەو کۆماپانیا و کەسایەتییانە کراون.

دوابەدوای کۆتاییهاتنی دادگاییکردنەکە پارێزەرانی کەیسی تۆمارکردنی سکاڵا لەسەر کۆمپانیاکان لە کۆنگرەیەکی ڕوژنامەوانیدا بۆچوونی خۆیان لەسەر بڕیارەکەی دادگا خستەڕوو.

لە کۆنگرە ڕۆژنامەوانییەکدا ئەیاد کاکەیی، پارێزەری کەسوکاری شەهیدان ئەوەی خستەڕوو، ئێمە پابەندی بڕیارەکەی دادگا دەبین و خۆمان بۆ دانیشتنی داهاتوو ئامادە دەکەین و بەڵگەی پێویست دەخەینەڕوو.



created by Avesta Group and powered by Microsoft Azure