كە تەرمەكەی دیانای بینی، شازادە چارڵس چی كرد؟

هەواڵ / جیهان :: 21/11/2018‌ :: 7489‌ جار بینراوە

دواڕۆژ
جان میشال كرادیچ-ی نووسەر و رۆژنامەنووس، لە كتێبەكەیدا بە ناونیشانی (كێ‌ شازادە دیانای كوشت؟) باس لە كاردانەوەی شازادە چارلس دەكات كاتێك كە یەكەمجار تەماشای تەرمی شازادە دیانای كرد لە نەخۆشخانەكە، لەكاتێكدا كە ماوەیەك بوو تەڵاقی دابوو.


نووسەر دەڵێت: "شازادە چارڵس بە قسەی شاژن ئەلیزابێس-ی دایكی نەكرد و بۆ هێنانەوەی تەرمەكەی دیانا بڕیاری دا بچێت بۆ فرەنسا".

كتێبەكە ئاماژە بۆ ئەوە دەكات كە شازادە چارڵس یەكەم كەس بوو بچێتە ئەو ژوورەی تەرمەكەی شازادەی تێدا دانرابوو. 


چارڵس سەرنج لە تەرمەكە دەدات و بەوە زۆر ناڕەحەت دەبێت كە تەنیا یەك گوێی دیانا گوارەی تێدایە و چەند جارێك ئەوەی دووپات كردووەتەوە كە بە یەك گوارەوە ناتوانێت دیانا بباتەوە. پاش تێپەڕبوونی 10 خولەك تیمە پزیشكییەكە دەبینن چاوی شازادە چارڵس پڕبووە لە گریان. 

رووداوی مردنەكەی دیانا ساڵێك پاش جیابوونەوەی بوو لە شازادە چارڵس و هەر شازادە چارڵس بوو ئەوەی سەپاند كە رێوڕەسمی پرسەیەكی شاهانە بۆ دیانا رێكبخرێت.





created by Avesta Group and powered by Microsoft Azure