بەهۆی هەڵەیەكی زمانەوانییەوە ژنە سەرۆك وەزیرانێك شەرمەزار بوو

هەواڵ / جیهان :: 20/11/2018‌ :: 128‌ جار بینراوە

تاگ :: جیهان

دواڕۆژ
بەهۆی هەڵەیەكی زمانەوانی و نوسینەوە هەوڵ و ماندوو بوونی چەند ساڵی خانەی ئۆپرای بەنگلادیش بەهەدەر چوو دوای ئەوەی لە ریكلامی فیلمێكی ژیاننامەی شێخ حسێنە واجدی سەرۆك وەزیراندا كەوتنە هەڵەیەكی گەورەوە.


بەپێی میدیاكانی ئەو وڵاتە، دەبوو وشەی (Tale) بەكاربهێنرایە كە بەمانای (چیرۆك) دێت، بەڵام لەریكلامەكەدا وشەی (Tail) بەكارهاتووە كە بەمانای (كلك) دێت، ناوی فیلمەكەش (حسێنە.. چیرۆكی كچێك)ی لێ نراوە.

گەر بەهەڵەكەوە لێك بدرێتەوە، ناونیشانی فیلمەكە دەبووە (حسێنە.. كلكی كچێك).

خانەی ئۆپرای Blockbuster بۆ سینەما ماوەی پێنج ساڵ سەرقاڵی دروستكردنی ئەم فیلمە بووە كە باس لەژیانی سەرۆك وەزیرانی ئێستای بەنگلادیش دەكات.

تۆڕەكانی كۆمەڵایەتی دوای بڵاوبوونەوەی پۆستەری فیلمەكە بەو هەڵەیەوە، نیگەرانییان دەربڕی و داوایان كرد هەرچی زووە ئەو هە ڵەیە چاك بكرێت، دواتر ئیدارەی فیلمەكە هەڵەكەی چاك كردەوە و فیلمەكە ئێستا لەحاڵەتی نمایشدایە.

ئا: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure