ڤاكسینێكی تایبه‌ت به‌ بریندارانی چه‌كی كیمیاوی گه‌یشته‌ هه‌ڵه‌بجه‌

هەواڵ / کوردستان :: 15/11/2018‌ :: 246‌ جار بینراوە

دواڕۆژ، عەلی حەمەسەعید
بەڕێوەبەری گشتی تەندروستی هەڵەبجە ئاشکرایکرد، بڕی 500 دانە لە ڤاکسینێکی تایبەت بە بەرکەتووانی چەکی کیمیایی گەیشتووەتە کۆگاکانمان و لە دوو ڕۆژی داهاتوودا دەست بە دابەشکردنی دەکەین.


د. ئازاد مستەفا، بەڕێوەبەری گشتی تەندروستی هەڵەبجە بە دواڕۆژی راگەیاند: لە درێژه‌ی هه‌وڵه‌كانی به‌رێوبه‌رایه‌تی گشتی ته‌ندروستی هه‌ڵه‌بجه‌ به‌ ئاراسته‌ی خزمه‌تكردنی بریندارانی چه‌كی كیمیایی، توانیمان ڤاكسینیكی تایبه‌ت به‌ بەرکەتووانی چەکی کیمیایی دابینبکەین كه‌ رێگریده‌كات له‌ توشبوونی بەرکەوتووانی چەکی کیمیایی بە نەخۆشییە وەرزییەکان.

ئاماژەی بەوەشکرد: لەئێستادا 500 دانە لەو جۆرە ڤاکسینە گەیشتووەتە کۆگاکانمان، بۆیە بریندارانی چه‌كی كیمیایی هەڵەبجە ده‌توانن رۆژی یه‌كشه‌مه‌ دوای بینینیان له‌لایه‌ن پزیشكی پسپۆره‌وه‌ له‌ ده‌زگای ژیان و هینانی ره‌چه‌ته‌ی پزیشكی، ده‌توانن ڤاكسینه‌كه‌ وه‌ربگرن.

بەڕێوەبەری گشتی تەندروستی هەڵەبجە ئەوەشی وت: "دوای پشکنینی بەرکەوتووانی چەکی کیمیایی لەلایەن پزیشکانی پسپۆڕەوە، دواتر دەتوانن سەردانی به‌رێوبه‌رایه‌تی خوپاراستنی ته‌ندروستی هه‌ڵه‌بجه‌ بکەن، بۆ ئەوەی لەوێ ڤاکسینەکەیان پێبدرت".

پێداچوونه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure