شانده‌كێ نۆژدارێن ئه‌مریكی دێ نیشته‌گه‌ریێن بێ به‌رامبه‌ر بۆ خه‌لكی كه‌ن

هەواڵ / کوردستان :: 14/11/2018‌ :: 172‌ جار بینراوە

دواڕۆژ، بورهان یه‌حیا
شانده‌كێ مه‌زنێ یێ نۆژدارێن ئه‌مریكی سه‌ره‌دانا پارێزگه‌ها دهۆك كرینه‌ و دێ ل سێ بوارێن (پێشمه‌رگه‌، ئاواره‌ و په‌نابه‌ر و زانستێ نۆژداری) خزمه‌تا ده‌ڤه‌رێ كه‌ن.

 

موسلح عه‌بدولقادر به‌رپرسێ راگه‌هاندنا پارێزگه‌ها دهۆك بۆ دواڕۆژ رۆهنكر" بۆ چه‌ندین جارانه‌ ئه‌ڤ شاندێ نۆژدارێن ئه‌مریكی ب رێیا رێكخراو و كه‌سانێن خێرخواز سه‌ره‌دانا پارێزگه‌ها دهۆك دكه‌ن و بڕیار ئه‌وه‌ د هه‌ر سێ بوارێن خزمه‌تكرنا پێشمه‌رگه‌ی  و ئاواره‌ و په‌نابه‌ران و د وارێ زانستی و نۆژداری دا ب ریێا زانكۆیا ئه‌مریكی كوردستان بشێن خزمه‌تا سیسته‌مێ‌ ساخله‌میێ ل كوردستانێ‌ ب گشتی بكه‌ن  و ئه‌ڤه‌ دێ‌ بیته‌ ده‌رگه‌هه‌كی گه‌له‌ك گرنگ بۆ پشئیخستنا سیسته‌می و ده‌لیڤه‌یه‌كا باش بۆ قوتابیان كو بشێن ئاستێ خۆ بلندتر لێ بكه‌ن".

 

خویاكر" ئه‌ڤ شاندێ مه‌زنێ ئه‌مریكی پێكدهێت ژ 40 نۆژدار و ستافێ ساخله‌میێ و  دێ چه‌ندین نشته‌گه‌ریان بۆ وه‌لاتییان ئه‌نجامده‌ن و دێ‌ بۆ ده‌مێ ده‌مێ سێ‌ حه‌فتییان ل پارێزگه‌ها دهۆك‌ خزمه‌تێن ساخله‌میێ‌ بێ‌ به‌رامبه‌ر پێشكیشكه‌ن".

 

دیاركر" ئه‌ڤ شانده‌ دێ ل نه‌خۆشخانه‌یێن ئازادی یا فێركرنی و ژن و زارۆبوونی و هه‌وار هاتنێ سۆتن و جوانكاریێ‌ ل دهۆكێ‌ خزمه‌تا خه‌لكێ‌ كێم ده‌رامه‌ت و پێدڤی ب نشته‌گه‌ریان كه‌ن دێ‌ نۆژدارێن پارێزگه‌ها دهۆك ژی دگه‌ل شاندی نۆژدارین ئه‌مریكی كار كه‌ن".



  • ڕۆژ
  • هەفتە
  • مانگ
created by Avesta Group and powered by Microsoft Azure