فەرماندەی دژەتیرۆر: بەڕێوەبەردنی مەلەفی ئەمنی کەرکوک لەشەڕی داعش قورسترە

هەواڵ / کوردستان :: پێش 2 هەفتە ‌ :: 199‌ جار بینراوە

دواڕۆژ، عیماد جەباری
فەرماندەی ئۆپراسیۆنە تایبەتەکانی دووەمی دەزگای دژەتیرۆر وردەکاری دەستگیرکردنی باندێکی تیرۆریستی ئاشکرادەکات و دەڵێت: "ئیدارەدانی مەلەفی ئەمنی کەرکوک لەفەرماندارێتی شەڕی داعش لەشارەکانی موسڵ و تکریت قورسترە کە ئەنجاممانداوە".


لیوا روکن موعن سەعدی فەرماندەی دژەتیرۆر لەکەرکوک لەراگەیه‌نراوێکدا ئاشکرایکردووە، لەدوای تەقینەوەی ئۆتۆمبێڵێک لەسەرەتای مانگی موحەرەم، توانرا تیرۆریستێک دەستگیر بکەین و دواتر تەواوی باندەکەمان دەستگیرکرد کە ژمارەیان 27 کەس بوو، لەنێویاندا گەورە سەرکردەی داعشی تێدایە کە ناسراو بە (عەبدولڕەحمان).

لە راگەیه‌نراوەکەدا زانیاری زیاتری ئاشکراکردوەو دەڵێت: "ئەو گروپە ماوەی شەش مانگ بوو لەناو کەرکوک خۆیان رێکخستبوو، بەسەر گەڕەکەکانی شارەکەدا دابەشببون و بەشەوان تەقەمەنییەکانیان لەدەرەوەی شارەکەوە هێناوەتە ژوورەوە".

ئاماژه‌ به‌وه‌شكراوه‌: تەمەنی ئه‌ندامه‌كانی ئه‌و گرووپه‌ لەنێوان 13 بۆ 34 ساڵیدا بوون و بە یەکێک لە مەترسیدارترین و گەورەترین تۆڕی نهێنی داعش دادەنران لەشارەکەدا و سەرجەمیشیان راهێنراوبوون و خۆیان لەگەڕەكە شەعبییەکاندا حەشاردابوو.

فەرماندەی دژەتیرۆری عێراق لەکەرکوک ئەوەشی خستووەتەڕوو کە بەڕێوەبەردنی مەلەفی ئەمنی کەرکوک قورسترە بەراورد بەو شەڕانەی لەشارەکانی موسڵ و تکریت و بێجی دژی داعش ئەنجاممانداوە، ئەوەش بەهۆی دۆخی سیاسی و هەستیاری شارەکەوە.



  • ڕۆژ
  • هەفتە
  • مانگ
created by Avesta Group and powered by Microsoft Azure