پێشێلكارییەكانی پارێزگاری كاتی كەركوك دەبرێتە پەرلەمانی عێراق

هەواڵ / کوردستان :: 04/11/2018‌ :: 425‌ جار بینراوە

دواڕۆژ، عیماد جەباری
پەرلەمانتارێكی عێراق ئاشكرایكرد: هەفتەی داهاتوو پەرلەمانی عێراق لەبارەی چەند پرسێكی كەركوك كۆدەبێتەوە.

 

دیلان غەفور ئەندامی فراكسیۆنی یەكێتی لەئەنجومەنی نوێنەرانی عێراق ئەمڕۆ یەكشەممە 4ی تشرینی دووەم بە دواڕۆژی وت: "سەبارەت بەكێشەی زەوییە كشتوكاڵییەكان و پێشێلكارییە ئەمنییەكان لەدژی هاوڵاتیانی كورد لەقەزای داقوق 50 ئیمزامان كۆكردوەتەوەو سەرۆكایەتی پەرلەمانیش رەزامەندی نیشانداوە هەفتەی داهاتوو تاووتوێی ئەو پرسانە بكات".

 

وتیشی: "هەر لەو دانیشتنەدا سەرجەم پێشێلكارییەكانی راكان سەعید جبوری پارێزگاری كاتی كەركوك بەبەڵگە دەخەینەڕوو ئەگەری زۆرە بانگهێشتی بەردەم پەرلەمان بكرێت".

 

پەرلەمانتارەكەی یەكێتی ئاماژەی بۆ ئەوەشكرد: وێڕای رەزامەندییەكە، بەڵام هێشتا چاوەڕێن لەكارنامەی یەكێك لەدانیشتنەكانی هەفتەی داهاتوو كاتەكەی دیاریبكرێت.



created by Avesta Group and powered by Microsoft Azure