گەنجینەیەكی ئاڵتوون لە ئیدلب دەدۆزرێتەوە

هەواڵ / جیهان :: 30/10/2018‌ :: 1079‌ جار بینراوە

تاگ :: جیهان

دواڕۆژ
دوای ئەوەی بڕێكی زۆر ئاڵتوونی پاڵفتەیان لە ناوچەیەكی شوێنەواریی شارۆچكەی جرجەناز لە ریفی ئیدلبی خۆرهەڵات دۆزییەوە، چەكدارانی بەرەی نوسرە (هەئیەی تەحریری شام) گەمارۆیەكی توندیان خستووەتەسەر ناوچەكە و لە ناویشەوە سەرقاڵی گەڕانن بەدوای زێڕی تر و ئاسەوارە دەگمەنەكاندا.


سەرچاوەكان دەڵێن: "وەك پیشەی پێشینەیان چەكدارەكان بەدوای كەلوپەلی ئاسەواردا دەگەڕان بۆ ئەوەی بیفرۆشن، بەڵام گەنجینەیەكی گەورەی ئاڵتوونیان لە ناوچەكەدا دۆزیووەتەوە و كەوتوونەتە دەرهێنانی".

بەگوێرەی سەرچاوە شوێنەوارناسەكانی ئیدلب، ئەو ناوچەیە چەند گۆڕێكی خێزانی پاشایەتیی سەردەمی رۆمانییەكانی تێدایە لەگەڵ چەندین پارچە ئاسەواری دەگمەندا كە نرخەكانیان بە پارە مەزەندەناكرێت.

هەر پەیوەست بەو بایەتە، ئەیمەن ناپۆ بەڕێوەبەری ناوەندی ئاسەواری ئیدلب بە پێگەی (سمارت)ی ئۆپۆزیسیۆنی وتووە: "سێیەكی ئاسەوارەكانی سوریا لە ناوچەكانی ئیدلب-دان كە نزیكەی 760 شوێنی شوێنەواریین و هەندێكیان لە لیستی كەلەپوری جیهانیدا تۆماركراون".



  • ڕۆژ
  • هەفتە
  • مانگ
created by Avesta Group and powered by Microsoft Azure