لە قەزایەک 181 ملم باران باریوە

هەواڵ / کوردستان :: 28/10/2018‌ :: 288‌ جار بینراوە

دواڕۆژ، رێبین حەسەن
بەهۆی بارانبارینی زۆرەوە، لەسنووری قەزای پێنجوێن، ئەمساڵ زووتر پەڵەی داوە و بەبەراورد بەساڵی رابردووش ئەم كاتانە رێژەیەكی زۆر باران باریوە و داواكارییەكیش ئاڕاستەی جووتیارانی ناوچەكە دەكرێت.


بەهادین حەسەن، لێپرسراوی بەشی كەشناسی پێنجوێن، بەدواڕۆژی راگەیاند: بەهۆی بارانبارینی زۆر و بەردەوامیی ئەم چەند رۆژەوە، كۆی گشتی بارانی ئەمساڵی سنووری قەزای پێنجوێن گەیشتۆتە (118.1) ملم و بەو هۆیەشەوە، لەناوچەكەماندا پەڵەی داوە، چونكە پەڵەدان لەماوەی 24 بۆ 48 سەعاتدا، پێویستی بە 50 ملم باران هەیە.

لێپرسراوی بەشی كەشناسی پێنجوێن ناوبراو، وتیشی: "ساڵی پار تا ئەم كاتانە هیچ بارانێك نەباریبوو".

هاوكات بەپێی ئاگادارییەكی بەڕێوەبەریتی كشتوكاڵی پێنجوێن، كە وێنەیەكی دراوەتە دواڕۆژ، جوتیارانی پێنجوێن ئاگاداركراوە بەپێی پێشبینیەكانی كەشناسی لە ڕۆژانی داهاتوو، شەپۆلێكی باران و سەرما ڕوو لەناوچەكەمان دەكات، بۆیە ئەو كێڵگە تەماتانەی كە بەرێكی زۆری كاڵی پێوەیە، بۆ ئەوەی سەرما نەیبات و بەخەسار نەڕوات، دەتوانرێت هەر لەناو كێڵگەكە دایبپۆشن.

ئەوەش خراوەتەڕوو: پێویستە داپۆشینەكە بەشێوەیەكی ڕێكوپێك بێت، بۆ ئەوەی سەرماكە نەگاتە بڕكەكە و  بەرە ئاڵەكە بگەیەنێت، یان بەڕێگەیەكی تر دەتوانن بەرە كاڵەكە لێبكرێتەوە و لەهۆڵێكی گەرم دابنرێت، تا بەرە ئاڵەكە بڕێكی باشی لێ سور دەبێت و تەماتە گەیوەكە زۆر ئاسایی و تەندروستە.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە