ل فه‌ستیڤالا دهۆك 13 خه‌لات دهێنه‌ پێشكێشكرن

هەواڵ / که‌لتور :: 27/10/2018‌ :: 188‌ جار بینراوە

دواڕۆژ، بورهان یه‌حیا
ئه‌ندامێ لژنه‌یا سه‌رپه‌رشتیا شه‌شه‌مین فلمه‌ فه‌ستیڤالا دهۆك یا نێڤده‌وله‌تی راگه‌هاند "ب شێوه‌یه‌كێ گشتی دێ 13 خه‌لات ل سه‌ر 4 ئاستان ل سه‌ر به‌شداربوویێن فه‌ستیڤالێ هێنه‌ به‌لاڤكرن".


به‌نگین كه‌مال ئه‌ندامێ لژنه‌یا سه‌رپه‌رشتیا شه‌شه‌مین فلمه‌ فه‌ستیڤالا دهۆك یا نێڤده‌وله‌تی بۆ دواڕۆژ رۆهنكر"فلمێن فه‌ستیڤالێ یێن بیانی و ناڤخۆ، كو ژمارا وان 105 فلمن، دێ ل سه‌ر چار ئاستان هه‌ڤڕكیێ ل سه‌ر ب ده‌ستڤه‌ئینانا 13 خه‌لاتان كه‌ت ئه‌و ژی (درێژ، كورت، دیكیۆمێنت و پانوراما) و لژنه‌یێن ژۆری دێ بڕیارێ ل سه‌ر ده‌ن".

دیاركر"ل فلمه‌ فه‌ستیڤالێ 40 فلمێن ناڤخۆ هه‌نه‌ و 65 فلمێن بیانی و به‌شه‌ك ژوان چه‌ندین خه‌لاتێن جیهانی ل سه‌ر ئاستێ فه‌ستیڤالێن جیهانی ب ده‌ستخۆڤه‌ ئیناینه‌".

شه‌شه‌مین فلمه‌ فه‌ستیڤالا دهۆك یا نێڤده‌وله‌تی، ب به‌شدارییا 105 فلمێن بیانی و ناڤخۆ ل 20 هه‌تا 27 چریا ئێكێ ئانكو بۆ ده‌مێ 8 رۆژان دێ به‌رده‌وامیێ ل سه‌ر كارێن خۆ ده‌ت و رۆژانه‌ فلم و په‌نه‌ل و سمینار دهێنه‌  پێشكێشكرن.



created by Avesta Group and powered by Microsoft Azure