گۆڕان و کۆمەڵ لەسەر ئاستی باڵا کۆدەبنەوە

هەواڵ / کوردستان :: 24/10/2018‌ :: 762‌ جار بینراوە

دواڕۆژ، هۆگر کەمال
کاتژمێر 10:30 خولەکی پێشنیوەڕۆی ئەمڕۆ 24ی تشرینی یەکەمی 2018 بزوتنەوەی گۆڕان و کۆمەڵی ئیسلامی لەسەر ئاستی باڵا لە گردی زەرگەتە کۆدەبنەوە.

کۆبونەوەکەی ئەمڕۆ لەسەر ئاستی باڵا دەبێت و شاندی کۆمەڵ بە سەرۆکایەتی عەلی باپیر ئەمیری کۆمەڵ و ئەندامێتی ئەنوەر سەنگاوی، رێبوار حەمەد، محەمەد بامۆکی و عومەر هاوژین-ە، شاندی گۆڕانیش بە سەرۆکایەتی عومەری سەید عەلی، رێکخەری بزوتنەوەکە و ئەندامێتی رەئوف عوسمان، شۆڕش حاجی، جەلال جەوهەر، زمناکۆ جەلال و رەزا جەبار دەبێت، کۆبونەوەکەش لە بارەگای مەکۆی سەرەکی بزوتنەوەی گۆڕان لەسلێمانی بەڕێوەدەچێت.

رێبوار حەمەد، وتەبێژی کۆمەڵی ئیسلامی بە دواڕۆژی راگەیاند: سەردانی بزوتنەوەی گۆڕان دەکەین و سەردانەکەمان ئاساییە و ئێمە لە رابردوودا هەماهەنگمان هەبووە و لەزۆر بابەتدا هاوڕایی سیاسیمان هەبووە و هاوهەڵوێست بووین. 

وتیشی: "بۆیە دەمانەوێت ئەمڕۆش بەردەوامیی بدەین بە هەماهەنگیمان، بۆ بەشداریکردنمان لە کابینەی نوێی حکومەتدا دەمانەوێت بەیەکەوە بڕیارێکی یەکلاکەرەوە بدەین لە بەشداریکردن لە حکومەت یان بوون بە ئۆپۆزسیۆن".



created by Avesta Group and powered by Microsoft Azure