گەشته‌كانى عومرە ده‌ستپێكردووه‌و نرخه‌كانیشى دادەبەزن

هەواڵ / ئابوری :: 23/10/2018‌ :: 287‌ جار بینراوە

دواڕۆژ، پشتیوان جەمال
لەم هەفتەیەوە گەشتی هاووڵاتیانی كوردستان بۆ عەرەبستانی سعودیە بەمەبەستی گەشتی عومرە دەستیپێكردووەتەوە، نرخی گەشته‌كانیش كەمیكردووە.


نەبەز ئیسماعیل، وتەبێژی وەزارەتی ئەوقاف و كاروباری ئاینی حكومەتی هەرێمی كوردستان بە دواڕۆژی راگەیاند: "گەشتی عومرە بەردەوام هەیە، بەڵام ئەم ماوەیەی رابردوو بەهۆی سەفەری حەجەوە گەشتەكە نەدەكرا، بەڵام لەم هەفتەیەوە دەستی پێكردۆتەوە.

نەبەز ئیسماعیل، ئاماژەی بەدابەزینی نرخی گەشتی عومرە كرد و وتی "نرخی گەشتی عومرە دابه‌زیوه‌، چونكە پێشتر تەنها هێڵی ئاسمانی عێراقی هەبوو، بەڵام ئێستا هێڵێكی سعودیەش كراوەتەوە، كە ئەوەش كاریگەری لەسەر كەمبوونەوەی نرخ هەیە".

روونیكردەوە، پێشتر نرخی گواستنەوەی گەشت بۆ عومرە نزیكەی 900 دۆلار بوو، بەڵام ئێستا كەمترە لە 800 دۆلارە و هەندێك كۆمپانیاش داشكاندنیان بۆ كەسوكار و پلە یەكی شەهیدان كردووە.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە