دهۆك: ئێك ملیون دار دێ هێنه‌ چاندن

هەواڵ / کوردستان :: 19/10/2018‌ :: 926‌ جار بینراوە

دواڕۆژ، دهۆك
پرۆژێ چاندنا ئێك ملیون داران ل دهۆك و ده‌وروبه‌ران ده‌ستپێكر و بۆ ده‌مێ 5 سالان دێ به‌رده‌وام بیت.


رێڤه‌به‌رێ دارستان و پاوانان ل دهۆك بۆ دواڕۆژ راگه‌هاند: "رێكخراوا هاوكارى ئه‌مریكى كوردستان ب هاریكاریا رێڤه‌به‌ریا وان و باژێرڤانیا دهۆك پرۆژێ چاندنا ئێك ملیون داران ده‌ستپێكر و تا 5 سالێن دى دێ به‌رده‌وام بیت".

فاروق یوسف سلێمان، رێڤه‌به‌رێ دارستان و پاوانێن دهۆك دازانین: "بیرۆكه‌یا ڤى پرۆژه‌ی یا رێكخراوان هاوكارى و ئه‌مریكى كوردستان-ه‌ كو نه‌مامگه‌هێن رێڤه‌به‌ریا دارستان و پاوانان بۆ ده‌مێ 5 سالان دێ بكارهینن و دێ كار بۆ چاندنا ئێك ملیون داران كه‌ن".

زه‌لالكر: "لگۆره‌ى ڤى پرۆژه‌ى دێ زێده‌تر ئه‌و دار هێنه‌ چاندن یێن ب ره‌نگه‌كێ سروشتى ل چیایێن كوردستانێ شین دبن و دشێن به‌رگرییان سه‌رماو گه‌رمایێ بكه‌ن كو چه‌ند جۆره‌ك ژ وان دارێن ره‌سه‌ن یێن چیایێن كوردستانێ به‌ره‌ڤ كێمبوونێ دچن".



  • ڕۆژ
  • هەفتە
  • مانگ
created by Avesta Group and powered by Microsoft Azure