شەپۆلێکی باران بارین روو لە ھەرێمی کوردستان دەکات

هەواڵ / کوردستان :: 19/10/2018‌ :: 10781‌ جار بینراوە

دواڕۆژ، کۆچەر عەلی
لەڕۆژی شەممەوە شەپۆلێکی بارانبارین روو لەھەرێمی کوردستان دەکات و ماوەی یەک ھەفتە بەردەوام دەبێت.


بژار ئەکرەم، بەرپرسی بەشی پێشبینی لە بەڕێوەبەرایەتی گشتی کەشناسی و بومەلەرزەزانی ھەرێمی کوردستان ئه‌مڕۆ هه‌ینى 19ى تتشرینى یه‌كه‌مى 2018 بە دواڕۆژی راگەیاند: شەپۆلێکی بارانبارین روو لە ھەرێمی کوردستان دەکات، ئەو شەپۆلەش لە کاتەکانی شه‌وى شه‌ممه‌وه‌ دەستپێدەکات تا رۆژی دووشەممه‌ 21ى تشرینی یەکەم بەردەوام دەبێت، ئەو کاریگەری شەپۆلی بارانبارینە لە ھەرێمی کوردستان زیاتر دەبێت.

وتیشی: "پێشبینی دەکرێ باران بارینەکە بەڕێژەی جیاجیا ببارێت، زۆرترین رێژەی باران بارینەکەش لە سەنتەری پارێزگای ھەولێر و سلێمانی و ناوچە شاخاویەکانی ئەو دوو پارێزگایە دەبێت".

ئاشکراشیکرد، شەپۆلێکی بارانبارینی زۆر ئیدارەی گەرمیانیش دەگرێتەوە و ھاوکات لەگەڵ باران بارینەکە پلەکانی گەرماش یەک تا دوو پلە نزم دەبنەوە.

بژار ئاماژەی بەوەشدا: ماوەی کاریگەری بارانبارینەکە تا کۆتایی ئەم ھەفتە بەردەوام دەبێت، بارینەکەش بەدوو قۆناغ دەبێت، قۆناغی یەکەم تا رۆژی سێشەممە دەبێت، قۆناغی دووەمیش لە رۆژی چوارشەممەى ئەم هەفتەیه‌ دەبێت و دووبارە شەپۆلێکی تری بارانبارین روو لە ھەموو ناوچەکانی ھەرێمی کوردستان دەکاتەوە.

به‌رپرسه‌كه‌ى كه‌شناسى سەبارەت بە رێژەی باران بارینەکە بە دواڕۆژی وت: پێشبینی دەکرێ لەماوەی ئەو ھەفتەیەدا سەرووی ١٠ملیم باران له‌ هه‌رێمى كوردستان ببارێت.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە