دهۆك: مۆنۆمێنته‌ك تایبه‌ت ب شه‌هیدێن داعش دێ هێته‌ چێكرن

هەواڵ / کوردستانی :: 16/10/2018‌ :: 401‌ جار بینراوە

تاگ :: دهۆك

دواڕۆژ، بورهان یه‌حیا
سه‌رۆكاتییا باژێڕڤانییا دهۆك ب هه‌ماهه‌نگى و هه‌ڤكارییا هنده‌ك لایه‌نێن دى بڕیار دایه مونۆمێنته‌ك تایبه‌ت ب شه‌هیدێن شه‌ڕێ داعش یێن سنۆرێ پارێزگه‌ها دهۆك چێكه‌ت كو ل سه‌ر رووبه‌رێ پترى 43 هزار مه‌ترێن ئه‌ردى یه‌.

ئێسماعیل مسته‌فا به‌رپرسێ به‌شێ په‌یوه‌ندى و راگه‌هاندنا سه‌رۆكاتییا باژێڕڤانییا دهۆك بۆ دواڕۆژ رۆهنكر" دیزاینا مۆنۆمێنتێ ژلایێ ئه‌ندازیاره‌كێباژێڕڤانیێ ڤه‌ هاتییه‌ ته‌مامكرن و دێ ل سه‌ر رووبه‌رێ 43 هزار و 400 مه‌ترێن ئه‌ردى هێته‌ دروستكرن و بلنداهییا وێ ژى 42 مه‌ترن و دكه‌ڤیته‌ تاخێ نزاركێ ته‌نشت كه‌لها نزاركێ".

خویاكر"په‌یكه‌رێ چه‌ندین شه‌هیدێن به‌رنیاس یێن پێشمه‌رگه‌ى د ناڤا مۆنۆمێنتێ داد ێ هێنه‌ چێكرن و چه‌كێ وان ژى دێ هێته‌ نیشاندان و مۆزه‌خانه‌یه‌ك بۆ كه‌رسته‌یێن پێشمه‌رگه‌ى بۆ نموونه‌ جلێن وان ژى هێته‌ دروستكرن بۆ هندێ یێن سه‌ره‌دانا وێرێ دكه‌نببینن".

ل دۆر ڤێ پرسێ كا بۆچى بتنێ دێ بۆ شه‌هیدێن شه‌ڕێ داعش بیت نه‌ك هه‌موو شه‌هیدان؟ ناڤبۆرى دیاركر" لژنه‌یه‌كا بالا و بسپۆر ب كارێ دانانا دیزاین و ناڤه‌رۆكا ڤى پڕۆژه‌ى رابووینه‌ و دێ دووباره‌ ئه‌ڤ پرسه‌ دگه‌ل وان هێته‌ ڤه‌كرن بۆ هندێ بۆچۆنێن دى ژى مفا ژێ بهێته‌ وه‌رگرتن".

ئاماژه‌كر" بۆرجه‌ك د ناڤا ڤێ مۆنۆمێنتێ داد ێ هێته‌ چێكرن كو ب رامانا چیا و خۆراگریێ دهێت و 12 چه‌قێن تیشكێن رۆژێ وه‌كو ئه‌وا د ئالایێ كوردستانێ دا هه‌ى ژى دێ هێنه‌ چێكرن".



created by Avesta Group and powered by Microsoft Azure