نهێنییەك لەبارەی كوشتنی خاشقچییەوە ئاشكرا دەبێت

هەواڵ / جیهان :: 13/10/2018‌ :: 1560‌ جار بینراوە

تاگ :: جیهان

دواڕۆژ
بەهۆی كاتژمێرەکەی دەستییەوە، چەند نهێنییەك لەبارەی دیارنەمانی ڕۆژنامەنوسی سعودی جەمال خاشقچی لە ناو كونسڵخانەی سعودییە لە شاری ئەستەنبول بڵاودەبێتەوە.

ڕۆژنامەی سەباحی توركی ئاشكرای كردووە، خاشقچی پێش چوونە ناو كونسڵخانەی سعودییە لە ڕۆژی 2ی تشرینی یەكەمدا لە ڕێگەی كاتژمێرە ئەپڵەكەیەوە تۆمارێکی دەنگی كردووە، پاشان دەنگی سزادان و كاتی كوشتنەكەی تۆمار بووە و لە ڕێگەی كاتژمێرەكەیەوە ڕاستەوخۆ چووە بۆ مۆبایلەكەی و هەژماری ئایكڵاود.

خاشقچی پێش چوونە ناو كونسڵخانەكە مۆبایلەكەی لەلای دەستگیرانەكەی بەجێهێشتووە.

 
كەناڵی (سی ئێن ئێن)یش ئەمڕۆ لە هەواڵێكدا ئاشكرایكردووە: دوای چوونی خاشقچی بۆ ناو كونسوڵخانەكە شەڕ ڕوویداوە و لەلایەن تیمێكی كۆماندۆی سعودییەوە كوژراوە و بەڵگەی ساتەوەختی كوشتنەكەی لەدەست بەرپرسانی توركیادا هەیە.

جەمال خاشقچی ڕۆژنامەنوس و نوسەری سعودی لە ڕۆژی 2ی تشرینی یەكەمدا سەردانی كونسوڵخانەی سعودییە كرد لە ئەستەنبول و تا ئێستا چارەنووسی نادیارە. 



created by Avesta Group and powered by Microsoft Azure