خێزانی كەریم زەند داوایەك لە بەرپرسانی سلێمانی دەكات

هەواڵ / که‌لتور :: پێش 1 هەفتە ‌ :: 154‌ جار بینراوە

دواڕۆژ، پشتیوان جەمال
ئامینە زەند، خێزانی گەڕیدە و مێژوونووسی كۆچكردوو كەریم زەند، داوا لە لایەنە پەیوەندیدارەكانی سلێمانی دەكات لەنێو سەرای سلێمانی ژوورێكی بۆ دابین بكەن تا بەرهەمەكانی كەریم زەند تێیدا بپارێزرێت.

  
پاشنیوەڕۆی ئەمڕۆ چوارشەممە، ساڵیادی كۆچی دوایی گەڕیدە و مێژوونووس و جوگرافیاناسی بەناوبانگی كورد كەریم زەند لە هۆڵی تەوار لە شاری سلێمانی بە ئامادەبوونی ژمارەیەك لە نووسەر و رۆشنبیر و خانەوادەی ناوبراو كرایەوە.

ئاسۆ زەند، كوڕی مامۆستا كەریم زەند بەدواڕۆژی راگەیاند: باوكم هاوڕێ و مامۆستای ژیانم بووە و پشت و پەنای خانەوادەکەمان بووە، داواكارم ئەو دەستنووس و ئەرشیفانەی كە لە ماڵەوە ماون بپارێزرێن و بایەخیان پێبدرێت، هەروەها ئەگەر بكرێت ماڵەكەی بكرێتە مۆزەخانە".

لە كاتی مەراسیمی ساڵیادەكەدا، خاتوو ئامینە كەریم زەند خێزانی كەریم داوای لەلایەنە پەیوەندیدارەكانی شاری سلێمانی كرد لە سەرای سلێمانی، ژوورێكیان پێبدەن بۆ پاراستنی بەرهەمەكانی مامۆستا كەریم زەند.

كەریم زەند، ناوی تەواوی كەریم زەند حەمەساڵح حاجی سەلیم ئەمینی چنگینی لەكە، لە میرنشینی چنگیانی شارباژێر، ساڵی 1924 لە گەڕەكی مەڵكەندی شاری سلێمانی لەدایكبووە و لە خێزانی زەندییە و ساڵی 1944 خانەی مامۆستایانی تەواوكردووە.

ناوبراو سەرلەبەیانی رۆژی 10-10-2017 لە ماڵی خۆی لە گەڕەكی مەڵكەندی شاری سلێمانی كۆچی دوایی كرد و لە گردی سەیوان بەخاك سپێردرا.




  • ڕۆژ
  • هەفتە
  • مانگ
created by Avesta Group and powered by Microsoft Azure