برایەكی خاشقچی سه‌رده‌بڕدرێت‌ و هاوسه‌ره‌كه‌شی ده‌كوژرێت

هەواڵ / جیهان :: 09/10/2018‌ :: 4982‌ جار بینراوە

تاگ :: جیهان

دواڕۆژ
لە درەنگانێكی شەوی دووشەممەدا  ژمارەیەك  چه‌كدارى ده‌مامكدار هەڵیانكوتاوەتە سەر ماڵی ئەحمەد خاشقچی برای جەمال خاشقچی لە شاری  جەددەی سعودیە و سەریانبڕیوە و كەللەسەرەكەیان بە دەرگای ماڵەكەیانەوە هەڵواسیوە.


ماڵپەری ئەلدیار بڵاویكردووەتەوە، جگە لە ئەحمەی برای جەمال خاشقچی ژنەكەشیان كووشتووە و شوێنەوای چەقۆی پێوەیە، سێ منداڵیشی هەڵاتوون.

ئەحمەد برای سیاسی و رۆژنامەنووس جەمال خاشقچییە، كە چەند رۆژێك لەمەوبەر چووە ناو كونسوڵخانەی سعودییە لە توركیا و دیار نەما، ئەمە وەك ئەوەی میدیا توركییەكان ئاماژەی بۆ دەكەن.

بەشێك لە شایەتحاڵەكان ئاماژە بۆ ئەوەدەكەن، بە دڕندەیی ئەحمەدیان كوشتووە، شمشێریان دەرهێناوە و سەریان بڕیوە.

باسی ئەوەشیان بۆ میدیاكان كردووە،چەکدارەکان سێ ئۆتومبێلی رەش بوون، دەمووچاویان داپۆشراوبووە.

هاوسەری ئەحمەدیش كە ویستویەتی بەرگری بكات و مێردەكەی رزگار بكات بەڵام بەر چەقۆیانداوە و كوشتویانە.

لەكاتی ئەو هێرشەدا، سێ منداڵەكەی ئەحمەد لە دەرگای پشتەوەی ماڵەكەیان رادەكەن و لەلایەن خزمە نزیكەكانیانەوە دەشاردرێنەوە و نادۆزرێنەوە.

ئەو شایەتحاڵانە باسی ئەوەشیانكردووە، لە بەرەبەیانی زوودا هێزە ئەمنییەكانی جەددە هاتوون و تەرمەكانیان بردووە، ناشتویانن و دەرگای ماڵەكەشیان داخستووە و ناهێڵن كەس هاتووچۆ بكات.

 دراوسێکانی براکەی جەمال خاشقچی دەڵێن: "ئەحمەد بێ كێشە بووە و كەسێكی باش بووە".

لەسەر دیارنەمانی جەمال خاشقچی دوێنێ دووشەممە، دەسەڵاتدارانی توركیا داوایان لە كونسوڵخانەی سعودیە لە ئەستەنبوڵ كرد رێگەیان بدەن كونسڵیەتەكە بپشكنن، پاش دیارنەمانی جەمال خاشقچی، رۆژنامەنوسی دیاری سعودیە.

بەپێی میدیا توركییەكان، داوای پشكنینی كونسڵخانەی سعودیە لەدوای ئەوەدێت كە بۆجاری دووەم وەزارەتی دەرەوەی توركیا بۆ تاوتوێكردنی دیارنەمانی خاشقچی بانگهێشتی باڵیۆزی سعودیەی لە توركیا كردووە.

ئەمە لەكاتێكدایە، كە بەپێی ئاژانسی ئەنادۆڵی توركی، رەجەب تەیب ئەردۆغان، سەركۆماری توركیا،  لە كۆنگرەیەكی رۆژنامەوانیدا لەگەڵ ڤیكتۆر ئۆربان سەرۆك وەزیرانی ھەنگاریا لەبارەی دیارنەمانی رۆژنامەونوسە سعودییەكەوە وتی: "لایەنە پەیوەندیدارەكان پێویستە بانگەشەی داواكاری گشتی بسەلمێنن، ئەگەر لەو شوێنە چووبێتە دەرەوە ئەوا پێویستە ئێوە بە گرتەی ڤیدیۆی ئەوە بسەلمێنن، پێویستە بیسەلمێنن، بەدواداچوون و چاودێریكردنی ئەم قۆناغە بۆ ئێمە ئەركێكی سیاسی و مرۆییە".

وتیشی: "بەرپرسانی كونسڵخانە دەڵێن لێرە دەرچووە، بەڵام ناتوانن تەنیا بەم قسەیە خۆیان رزگار بكەن".

ئەوەشی خستووەتەڕوو: لێكۆڵینەوە لە ھاتن و چوونەكان بۆ نێو فڕۆكەخانەش دەكەین، لە ھاتن و چوونەكان دەركەوتووە كە چەند كەسێك لە سعودیە ھاتوون، لەمبارەیەوە داوكاری گشتی ھەموو جۆرە لێكۆڵینەوەیەكی دەستپێكردووە.

هاوكات ئاژانسەكە بڵاویكردووەتەوە: بەپێی ئەو زانیارییەی لە سەرچاوە دیپلۆماسیەكانەوە دەستكەوتووە،سەدات ئوناڵ جێگری وەزیری دەرەوەی توركیا، باڵیۆزی   سعودیەی بانگهێشت كردووە.

سەرچاوەكان باسیان لەوەكردووە: دەسەڵاتدارانی توركیا داوای هاریكاری و هەماهەنگییان لە باڵیۆزی سعودیە كردووە لەبارەی دۆسییەی دیارنەمانی خاشقچی. 

ئاماژە بەوەشكراوە: دەستگیرانی خاشقچی دواین كەس بووە رۆژی سێشەممەی رابردوو جەمال خاشقچی بینیووە، بە رۆژنامەنووسانیشی راگەیاندووە تا بەردەم كونسوڵخانە بەیەكەوەبوون، بەڵام دوای ئەوەی خاشقچی چووەتە ژوورەوە نەگەڕاوەتەوە.

كونسوڵخانەی سعودیە لە ئەستەنبوڵ ئەو دەنگۆیەی بەدرۆخستەوە و رایگەیاند: خاشقجی "هاتووەتە كونسوڵخانە، بەڵام دواتر كونسوڵخانەی جێهێشتووە.




  • ڕۆژ
  • هەفتە
  • مانگ
created by Avesta Group and powered by Microsoft Azure