رۆیتەرز: جەمال خاشقچی لەناو كونسڵخانەی سعودیە لەتوركیا كوژراوە

هەواڵ / جیهان :: 07/10/2018‌ :: 402‌ جار بینراوە

تاگ :: جیهان

دواڕۆژ
پۆلیسی توركیا رایگەیاندوە: کە پێدەچێت جەمال خاشقچی، رۆژنامەنووس و نووسەری سعودی لەناو كونسڵخانەی سعودیە لەئیستانبوڵ كوژرابێت، پاش ئەوەی ئەشكەنجەدراوە و جەستەی پارچە پارچە كراوە.

حكومەتی ریاز لای خۆیەوە نكوڵی دەكات و رایدەگەیەنێت: لەڕۆژی سێشەممە پاش چوونی بۆ ناو كونسڵخانە، خاشقچی دوای ماوەیەكی كەم شوێنەكەی جێهێشتووە.

 

چەند سەرچاوەیەکی پۆلیسی تورکیا دەڵێن: "ئەو رۆژنامەنووسە لەناو بینای كونسڵگەرییەكەدا كوژراوە لەڕێگەی تیمێكی تایبەتەوە كە لەسعودیەوە هاتوونەتە توركیا و هەر ئەو رۆژەش گەڕاونەتەوە".

پێگەی میدڵ ئێستا ئای بڵاویكردۆتەوە: كە جەستەی ئەو رۆژنامەنووسە پارچە پارچە كراوە دوای ئەوەی ئەشكەنجەیەكی زۆر دراوە و هەر ئەو رۆژەش لەناو كونسڵخانەی سعودیە لەتوركیا هێنراوەتە دەرەوە.

ئێواره‌ی رۆژی سێشه‌ممه‌ 2ی تشرینی یه‌كه‌م،‌ جه‌مال خاشقچی نووسه‌ر و رۆژنامه‌نووسی به‌ناوبانگی سعودیه‌، له‌ شاری ئیستانبوڵ-ی توركیا بێسه‌ر و شوێن بووە. 

تائێستا چه‌ندین كه‌س له‌ ره‌خنه‌گرانی سیاسه‌تی ده‌سه‌ڵاتدارانی ریاز و كه‌سانی رۆشنبیر و چالاكانی بواره‌ جیاوازه‌ مه‌ده‌نییه‌كان، ونكراون و به‌ رفێنراوی له‌ وڵاتانه‌وه‌ براونەتەوە‌ بۆ سعودیه‌.

خاشقچی ساڵی 1958 لەدایكبووە لەشاری مەدینە و چەندینجار وەك سەرنووسەری رۆژنامە عەرەبییە سعودییەكان كاری كردووە، وەك وەتەن و عەرەبی و راوێژكاری توركی فەیسەڵ باڵیۆزی سعودیە بووە لە لەندەن و واشنتن.



  • ڕۆژ
  • هەفتە
  • مانگ
created by Avesta Group and powered by Microsoft Azure