191 هەزار كەس لەئیندۆنیزیا پێویستیان بەهاوكاری بەپەلە هەیە

هەواڵ / جیهان :: 02/10/2018‌ :: 112‌ جار بینراوە

تاگ :: جیهان

دواڕۆژ
دەیان هەزار هاووڵاتیی ئیندۆنیزی، بەهۆی بوومەلەرزە بەهێزەكەی خۆرئاوای دوورگەی سوڵاویسی-ی وڵاتەكەیانەوە، كە تسونامیی لێكەوتەوە، پێویستییەكی زۆریان بە هاوكارییە سەرەتاییە مرۆییەكان و بەهاناوەچوونی بەپەلە هەیە.

نووسینگەی نەتەوە یەكگرتووەكان بۆ كاروباری مرۆیی، هۆشداریی ئەوەی داوە "ژیانی 191 هەزار كەس لەو ناوچە كارەساتبارەی ئیندۆنیزیا لە مەترسیدایە و پێویستییەكی زۆریان بە كۆمەكی خێرای مرۆیی هەیە".

نەتەوە یەكگرتووەكان دەڵێت: "لەو ژمارەیە نزیكەی 45 هەزاریان منداڵ و 145 هەزار كەسیشیان خەڵكی بەتەمەنن كە بەتەواوی كەوتوونەتە ژێر هەڕەشەی مەرگەوە".

رۆژی هەینی رابردوو بوومەلەرزەیەكی بەهێز بە گوڕی 7،5 پلە بە پێوەری رێختەر، دوو شاری ئیندۆنیزیای هەژاند و تسونامییەكی بەهێزی لە دوورگەكەدا لێكەوتەوە كە بەرزیی شەپۆلەكانی گەیاندە زیاتر لە شەش مەتر و لەیەكەم راگەیاندنی ناڕەسمیدا ژمارەی قوربانییەكانی رووداوەكە بە زیاتر لە هەزار و 250 كەس بڵاوكرایەوە، وێڕای سەدان هەزار بریندار و بێ‌سەروشوێن و ئاوارە و وێرانییەكی زۆر.



  • ڕۆژ
  • هەفتە
  • مانگ
created by Avesta Group and powered by Microsoft Azure