رێژەی بەشداری هاووڵاتیان لە دەنگدانی ناوچەیەک ئاشکراکرا

هەواڵ / کوردستان :: 30/09/2018‌ :: 2086‌ جار بینراوە

دواڕۆژ، محەمەد مستەفا
لە ئیدارەی ڕاپەڕین زیاتر لە 200 هەزار کەس مافی دەنگدانی هەیە، بەڵام بەگوێرەی وتەی بەرپرسی مەکتەبی هەڵبژاردنی یەکێتی لە سنوری ئیدارەی ڕاپەڕین: تەنیا نزیکەی ڕێژەی لە 15٪ی هاووڵاتیان دەنگیان داوە كە رێژەیەکی زۆر کەمە.


ئیسماعیل کەلکانی، بەرپرسی مەکتەبی هەڵبژاردنی یەکێتی لە سنوری ئیدارەی ڕاپەڕین تایبەت بە دواڕۆژی راگەیاند: لەسنوری قەزاکانی ڕانیە و پشدەر ژمارەیەکی زۆر کەمی هاووڵاتیان چوونەتە سەر سندوقەکانی دەنگدان و تا نیوەڕۆی ئەمڕۆ تەنیا ڕێژەی 15٪ی هاووڵاتیان دەنگیانداوە.

وتیشی: "ئەم ڕێژەیە ڕێژەیەکی زۆر کەمە، لەکاتێکدا لەئیدارەی ڕاپەڕین زیاتر لە 200 هەزار کەس مافی دەنگدانیان هەیە لە دەنگدانی گشتیدا" .

بەگوێرەی ئامارەکانی کۆمسیۆن لە ئیدارەی ڕاپەڕین 210800 کەس مافی دەنگدانی هەیە و 94 بنکە و 539 وێستگە بە رووی هاووڵاتیاندا کراونەتەوە.

بەهۆی نەبوونی بەرپرس و وتەبێژی کۆمسیۆنیشەوە لە دەڤەرەکە، هیچ کەسێک بەناوی ئەوان لێدوان نادات.



created by Avesta Group and powered by Microsoft Azure

بەپەلە