داخوه‌يانييا كۆمسیۆنێ لدۆر ده‌نگێن لایه‌نان ل دهۆك

هەواڵ / کوردستان :: 29/09/2018‌ :: 153‌ جار بینراوە

دواڕۆژ، دهۆك
نڤێسینگه‌ها كۆمسیۆنا بلند یا سه‌ربخوه‌یا هه‌لبژاردنان و راپرسییان-دهۆك راگه‌هاند: ژمارا ده‌نگێن لایه‌نێن پشكدار یێن ده‌نگدانا تایبه‌ت بۆ گه‌را پێنجێ ژ هه‌لبژاردنێن په‌رله‌مانێ كوردستانێ نوكه‌ ئاشكه‌را ناكه‌ن.

مێهڤان فه‌تاح، ژ راگه‌هاندنا  نڤێسینگه‌ها كۆمسیۆنا بلند یا سه‌ربخوه‌یا هه‌لبژاردنان و راپرسییان بۆ دواڕۆژ گۆت:"هه‌موو ئه‌نجام و ژمارێن ده‌نگێن لایه‌نێن پشكدار د هه‌لبژاردناندا گه‌هشتینه‌ به‌ر ده‌ستێن وان، لێ به‌رپرسێ نڤێسینگه‌ها دهۆك نه‌رازییه‌‌‌ وان ژماره‌یان ئاشكه‌راكه‌ت".

ناڤبۆرى دازانین:"ژمارا ده‌نگێن لایه‌نان دهه‌لبژاردنێن تایبه‌تدا  ل دهۆك دێ دگه‌ل ژمارا ده‌نگێن گشتى ژ ئالیێ كۆمسیۆنا بلند یا سه‌ربخوه‌یا هه‌لبژاردنان و راپۆرسییان ل هه‌ولێر هێته‌ راگه‌هاندن و ئه‌و ژمارێن چه‌ند لایه‌نه‌ك ل دهۆك ئاشكه‌را دكه‌ن نه‌فه‌رمینه‌".

ده‌نگدانا تایبه‌ت بۆ هه‌لبژاردنێن په‌ر‌له‌مانێ كوردستانێ دوهى پێنجشه‌مبى 28-ێ ئه‌یلول، هاتن ئه‌نجامدان و ل گۆره‌ى ڤاڤارتنا ده‌نگێن چه‌ند بنگه‌هان كو گه‌هشتینه‌ دواڕۆژ، پارتى دیموكراتى كوردستان ب جوداهیه‌كا مه‌زن ژ هه‌موو هێزێن دى ل رێزا ئێكێ دهێت.



created by Avesta Group and powered by Microsoft Azure