خوه‌نیشاندانا ئاكرێ ب دوماهیك هات

هەواڵ / کوردستان :: 27/09/2018‌ :: 346‌ جار بینراوە

دواڕۆژ، دهۆك
خوه‌نیشاندانا وه‌لاتیێن گوندێ (خرپكا هه‌ریكا) ل سه‌نته‌رێ قه‌زا ئاكرێ پشتى ئازادكرنا كه‌سه‌كى ژ ئالیێ پۆلیسان ب دوماهیك هات.

نیڤرۆژا ئه‌ڤرۆ پێنجشه‌مبى 27-ێ ئه‌یلول، وه‌لاتیێن گوندێ(خرپكا هه‌ریكا) جاددا سه‌ره‌كى یا سه‌نته‌رێ قه‌زا ئاكرێ گرتن و داخوازكرن بله‌زترین ده‌م برایێ مۆخاتارێ گوندى ژ ئالیێ پۆلیسان بهێته‌ ئازادكرن.

دلاوه‌ر نایف، دناڤ خوه‌نیشاندانان دا بۆ دواڕۆژ گۆت:"پشتى برایێ مۆختارێ گوندێ(خرپكا هه‌ریكا) ژ ئالیێ پۆلیسێن ئاكرێ ب سه‌ده‌مێ چێكرنا خانیێن ته‌جاوز هاتیه‌ گرتن، برایێ وى كو مۆختارێ گوندیه‌ و وه‌لاتیێن وى گوندى نه‌رازیبوون و خوه‌نیشاندان ئه‌نجامدان".

لدووڤ گۆتنێن ناڤبۆرى پشتى چه‌ند ده‌مژمێران برایێ مۆختارى هات ئازادكرن و لدووڤدا خوه‌نیشانده‌ران داوى ل خوه‌نیشاندانا خوه‌ ئینا.

بۆ ده‌مێ نێزیكى 2 ده‌مژمێران جادده‌یا سه‌ره‌كى ل سه‌نته‌رێ قه‌زا ئاكرێ ژ ئالیێ وه‌لاتیان هاتبوو گرتن.




created by Avesta Group and powered by Microsoft Azure